काठमाडौं । अर्थमन्त्री वर्षमान पुनले मंगलबार संसद्को दुवै सभामा आगामी आर्थिक वर्ष ०८१, ८२ को बजेट प्रस्तुत गरे ।
प्रस्तुत बजेटमाथि आइतबारदेखि दुवै सभामा छलफल हुनेछ ।
सभामुख देवराज घिमिरेले छलफलका लागि प्रतिनिधिसभाको बैठक आइतबार ११ बजे बोलाएका छन् ।
प्रतिनिधिसभामा २०, २१ र २२ जेठसम्म छलफल हुनेछ भने उठेमा प्रश्न तथा जिज्ञासामाथि २३ गते अर्थमन्त्रीले जवाफ दिनेछन् । त्यसैगरी, राष्ट्रिय सभामा २०, २१ र २२ जेठसम्म छलफल हुनेछ । सोही दिन २२ गते नै अर्थमन्त्री पुनले जवाफ दिनेछन् ।
राष्ट्रिय सभा अध्यक्ष नारायण दाहालले छलफलका लागि आइतबार १ बजेर १५ मिनेटमा बैठक डाकेका छन् ।
