काठमाण्डौं । आईसीसी टी–२० क्रिकेट विश्वकप प्रतियोगिताको उद्घाटन खेलमा क्यानडाले आयोजक अमेरिकालाई १९५ रनको विशाल लक्ष्य दिएको छ ।
आइबार बिहान अमेरिकाको डल्लासस्थित ग्रान्ड प्रेरी रंगशालामा जारी खेलमा क्यानडाले निर्धारित २० ओभरमा ५ विकेट गुमाएर १९४ रन बनाएको हो ।
क्यानडाका लागि २ खेलाडीले अर्धशतक बनाए । नवनीत धलिवालले ६१ तथा निचोलास किर्टोनले ५१ रन जोडे ।
यस्तै श्रेयस मोभ्भाले अविजित ३२ रन जोडेपछि क्यनडाले विशाल स्कोर बनाएको हो ।
अमेरिकाका अलि खान, हर्मीत सिंह र कोने एन्डर्सनले १–१ विकेट लिए ।
अमेरिका र वेस्ट इन्डिजको संयुक्त आयोजनामा हुन गइरहेको प्रतियोगिता नेपाली समयअनुसार जुलाई २ मा सकिँदैछ ।
प्रतियोगितामा २० टोली सहभागी छन् ।
आइतबार साँझ सवा ८ बजे सहआयोजक वेस्ट इन्डिज र पपुवा न्युगिनीबीच अर्को खेल हुनेछ ।
समूह ‘डी’मा रहेको नेपालले भने पहिलो खेल जुन ५ मा नेदरल्यान्ड्ससँग खेल्नेछ ।
नेपालको समूहमा दक्षिण अफ्रिका, श्रीलंका, बंगलादेशजस्ता टेस्ट राष्ट्र पनि छन् ।
