काठमाडौं । गृहमन्त्री रवि लामिछानेले जीबी राईलाई फर्काउन नेपाल र मलेसिया कानुनी परामर्शमा रहेको दाबी गरेका छन ।
गृहमन्त्री लामिछानेले प्रतिनिधि सभाको बैठकमा जीबी राई पक्राउ गर्न सरकार प्रयत्नशिल रहेको जनाउँदै जीबी राईलाई नेपाल ल्याउन कानूनी कठिनाइ भैरहेको जानकारी दिए ।
उनले जीबी राई पक्राउको विषयमा आफू पनि व्यग्रप्रतिक्षामा रहेको जनाउँदै छिटै उनलाई नेपाल ल्याइने जनाएका हुन । उनले अदालत र राहदानी विभागले जीबी राईको राहदानी रोक्का गर्न अस्वीकार गरेको संसदमा जानकारी दिए ।
