गोरखा । उत्तरी गोरखाको धार्चे गाउँपालिका.५ सिङ्लास्थित रेसेफाँटमा पहिरोमा परी बेपत्ता भएका चार जनाको शव फेला परेको छ ।
सोमबार नेपाली सेनासहित सशस्त्र प्रहरी, नेपाल प्रहरी र स्थानीयको सहयोगमा भएको खोजी कार्यमा चार जनाको शव फेला परेको नेपाली सेनाले जानकारी दिएको छ ।
शनिवार राति भीषण पहिरामा पाँच जना बेपत्ता हुनु भएको थियो । बेपत्ताको खोजीका लागि घटनास्थलमा डोजरको प्रयोग गरिएको थियो ।
