काठमाडौं। ग्लोबल आइएमई बैंकले २ वटा नयाँ शाखा कार्यालयहरु सञ्चालनमा ल्याएको छ। बैंकले सर्लाहीको मलंगवा र काभ्रेको धुलिखेलमा नयाँ शाखा सञ्चालनमा ल्याएको हो। यी दुई नयाँ शाखाहरुबाट सोमबारदेखि नै सम्पूर्ण बैंकिङ सेवाहरु सुरु भइसकेको छ।
बैंक मुलुकका ७७ जिल्लामा शाखा सञ्जाल रहेको निजी क्षेत्रको पहिलो तथा वित्तीय सूचक अनुसार मुलुककै सबैभन्दा ठुलो वाणिज्य बैंक हो। बैंकले देशका ७७ वटै जिल्ला तथा तीन अन्तर्राष्ट्रिय सम्पर्करवैदेशिक प्रतिनिधि कार्यालयसहित ११ सय भन्दा बढी सेवा केन्द्रबाट बैंकिङ सेवा प्रदान गर्दै आएको छ।

काठमाडौं । महालक्ष्मी विकास बैंक लिमिटेडका शाखाहरुद्वारा संस्थागत सामाजिक उत्तरदायित्व अन्तरर्गत विद्यालय, सामाजिक र धार्मिक संस्थालाई सहयोग गरेको छ ।
यसैक्रममा बैंकको न्यूरोड शाखाद्वारा हिमालय माध्यमिक विद्यालय, न्यूरोडलाई एक थान प्रिन्टर प्रदान गरिएको छ । विद्यालयको प्रशासनिक तथा दैनिक कार्यमा सहयोग पुर्याउने हेतुले उक्त प्रिन्टर प्रदान गरिएको हो । न्यूरोड शाखाका प्रमुख कुमार अधिकारीले विद्यालयका प्रधानाध्यापक हिरा मर्हजनलाई प्रिन्टर हस्तान्तरण गरेका थिए ।
त्यसैगरी बैंकको गोगंबु शाखाद्वारा काठमाडौं महानगरपालिका वडा नं २६ मा अवस्थित पवित्रनगर समाजलाई आर्थिक सहयोग प्रदान गरिएको छ । समाजको कार्यालय कक्षमा स्थापना गर्न लागिएको सार्वजनिक पुस्तकालयमा आवश्यक पुस्तक तथा अन्य सामाग्रि खरिद गर्नका लागि बैंकले उक्त सहयोग गरेको हो । गोगंबु शाखाका प्रमुख अमिता बगालेले पवित्रनगर समाज समितिका अध्यक्ष सूर्यमणि पौडेललाई तीस हजार रुपियाँ बराबरको चेक हस्तान्तरण गरेकी थिइन् ।
त्यस्तै बैकको बसुन्धरा शाखाद्वारा टोखा नगरपालिका वडा नं ०४ मा अवस्थित श्रीकृष्ण धार्मिक संघलाई २ थान उफर हस्तान्तरण कार्यक्रम सञ्चालन गरिएको छ । श्रीकृष्ण मन्दिरमा नियमित रुपमा २ वटा हलमा भजन किर्तन गरिने गरेको तर आर्थिक अभावका कारण उफरको व्यवस्था गर्न नसकिएकाले बैंकले उक्त सहयोग प्रदान गरेको हो । बसुन्धरा शाखाका प्रमुख विकास देवकोटाले श्रीकृष्ण धार्मिक संघलाई उफर हस्तान्तरण गरेका हुन् ।

काठमाडौं । सिटिजन्स बैंकले नयाँ योजना ल्याएको छ ।
बैंकले १०.९९ प्रतिशत स्थिर ब्याददरमा ‘सिटिजन्स होम लोन’ योजना ल्याएको हो ।
‘सपनाको घरलाई दिनुहोस् आकार, सिटिजन्स घरकर्जाले पार्नेछ साकार’ भन्ने उद्देश्यसहित योजना ल्याएको हो ।
कर्जा लिन चाहनेहरुले सिटिजन्स क्यूआर स्क्यान गरी अनलाइन मार्फतपनि आवेदन दिन सकिने बैंकले जानकारी दिएको छ ।
निःशुल्क क्रेडिट कार्ड र डेबिट कार्ड सुबिधा तथा पहिलो वर्षको लागि लकर सुविधा शुल्कमा ५० प्रतिशत छुटको सुबिधा रहेको बैंकले जनाएको छ ।

काठमाडौं । शेयर बजार उच्च अंकले उचालिएको छ । बजार उचालिएसँगै कारोबार रकम पनि साढे ४ अर्ब नाघेको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ३६.५७ अंकले बढेको हो । १.८० प्रतिशतले बजार उचालिंदा नेप्से २०५९.४९ अंकमा पुगेको छ ।
आज ३०९ कम्पनीका १ करोड ३७ लाख ९ हजार २ सय ७६ कित्ता शेयर किनबेच हुँदा ४ अर्ब ६७ करोड ५२ लाख २४ हजार ९ सय ६।२८ रुपियाँ बराबरको कारोबार भएको हो ।
बजार बढेको दिन आज विभिन्न १५ कम्पनीका लगानीकर्ताहरुले ९ प्रतिशत बढी नाफा कमाएका छन् । आजैबाट कारोबार शुरु भएको हिमालयन रि–इन्स्योरेन्सको शेयर मूल्य ९.९९ प्रतिशतले बढेर प्रतिकित्ता रु। ३४०.१० पुगेको छ ।
सिंगटी हाइड्रो, मोदी इनर्जी, त्रिशुली जलविद्युत कम्पनी र मुक्तिनाथ कृषि कम्पनीको शेयर मूल्य १०–१० प्रतिशतले बढेको हो ।
नेपाल वायरहाउजिङ, तेह्रथुम पावर, समाज लघुवित्त, सामलिङ पावर, कालिका पावर, सानिमा मिडल तमोर हाइड्रो, स्वाभिमान लघुवित्त, इन्फिनिटी लघुवित्त, मेन्छियाम हाइड्रो र मन्दाकिनी हाइड्रोका लगानीकर्ताहरुले ९ प्रतिशत बढी नाफा कमाएका हुन् ।
त्यस्तै समग्रमा बजार बढे पनि नारायणी डेभलपमेन्ट बैंकका लगानीकर्ताहरुले सबैभन्दा बढी ५.४६ प्रतिशतले घाटा व्यहोरेका छन् ।
आज पनि सोनापुर मिनिरल्सको उच्च कारोबार भएको छ । उक्त कम्पनीको २१ करोड ८४ लाख ८२ हजार ८ सय ८०.८० रुपियाँ बराबरको कारोबार भएको नेप्सेले जानकारी दिएको छ ।
साताको पहिलो दिन हिजो आइतबार २६.३६ अंकले बजार घट्दा ५ अर्ब २४ करोड १४ लाख ८ हजार ३ सय ७९.८५ रुपियाँ बराबरको कारोबार भएको थियो ।