बझाङ। बझाङ क्षेत्र नं १ को प्रदेशसभा (क) मा मतगणना जारी छ । पछिल्लो मतपरिणमअनुसार नेपाली कांग्रेसका उम्मेदवार अभिषेकबहादुर सिंह दुई सय ४१ मतले अग्रता लिएका छन्। उनले ८ हजार चार सय ६ मत प्राप्त गरेका छन्।
यस्तै नेकपा (एमाले) का उम्मेदवार दमनबहादुर भण्डारीले ८ हजार १ सय ६५, नेकपा (माओवादी केन्द्र) का जनकबहादुर बुढाले ३ हजार ११३ तथा नेकपा (एकीकृत समाजवादी) का दिलबहादुर सिंहले दुई हजार २ सय ६६ मत पाएको मुख्य निर्वाचन अधिकृत सुदर्शन लामिछानेले जानकारी दिएका छन्।
बझाङ प्रदेशसभा (क) मा मा भएमको उपनिर्वाचनमा ४९ दशमलव १२ प्रतिशत अर्थात् ३० हजार तीन सय २८ मत खसेको थियो । सो क्षेत्रमा ६१ हजार सात सय ४८ मतदाता रहेका थिए । उपनिर्वाचनमा ११ उम्मेदवारले चुनावी प्रतिष्पर्धामा भाग लिएका थिए।

इलाम । इलाम २ उपनिर्वाचनको जारी मतगणनामा नेकपा (एमाले) का उम्मेदवार सुहाङ नेम्वाङले आफ्नो अग्रतालाई फराकिलो बनाउँदै लगेका छन । यहाँको २१ हजार ८५४ मतगणना हुँदा सुहाङ २ हजार ६१८ मतले अगाडि छन ।
सुहाङ ८ हजार ८९८ मतसहित शीर्ष स्थानमा छन भने उनलाई नेपाली कांग्रेसका उम्मेदवार डम्बर खड्काले ६ हजार २८० मतसहित पछ्याइरहेका छन ।
यसैगरी, यहाँ स्वतन्त्र उम्मेदवार डकेन्द्रसिंह थेगिमले ४ हजार ६३४ मत प्राप्त गर्दा रास्वपाका मिलन लिम्बूले १ हजार ३०६ मत प्राप्त गरेका छन ।

इलाम २ मा एमालेका नेम्वाङ, रास्वपाका लिम्बु र कांग्रेसका खड्काले गरे मतदान
काठमाडौं ( इलाम २ को उपनिर्वाचनमा नेकपा एमालेका उम्मेदवार सुहाङ नेम्वाङ, नेपाली कांग्रेसका डम्बर खड्का र राष्ट्रिय स्वतन्त्र पार्टीका उम्मेदवार मिलन लिम्बुले मतदान गरेका छन् ।
कांग्रेसका डम्बर खड्का र एमालेका उम्मेदवार नेम्वाङले इलामको महेन्द्ररत्न बहुमुखी क्याम्पसको मतदान केन्द्र मतदान गरेका हुन् । यस्तै रास्वपाका उम्मेदवार लिम्बुले माङसेबुङ २ दहगाउँस्थित जनता कल्याण आ.वि. मा रहेको मतदान स्थलमा मतादन गरेको जनाईएको छ ।
इलाम २ मा ४२ वटा वडामा मतदान भइरहेको छ, जसमा ७९ वटा मतदान स्थल, १ सय ४९ वटा मतदान केन्द्र रहेका छन् । इलाम २ मा १९ उम्मेदवार मैदानमा छन् ।

काठमाडौं । उपप्रधान एवम् गृहमन्त्री रवि लामिछानेले वन डढेलो तथा आगलागीका पीडितहरुलाई राहत दिने कुरामा ढिलाई नगर्न निर्देशन दिएका छन ।
शुक्रबार गृहमन्त्रालमा डढेलो तथा आगलागी नियन्त्रण र आउन सक्ने वाढी पहिरोको संभावित जोखिमको आंकलन अभियान अन्तर्गत ७७ जिल्लाकै प्रमुख जिल्ला अधिकारीहरुसँग अन्तरक्रिया कार्यक्रममा उनले कतैबाट नीतिगत रुपमा अप्ठ्यारो परेको छ भने आफूलाई भन्न अनुरोध गर्दै तत्काल कुनै ढिलाई नगरी राहत र उद्दारको लागि निर्देशन दिएका हुन ।
उनले भने,‘तत्काल राहतको लागि कुनै पनि ढिलाई नहोस् । यहाँ आम सर्वसाधारणले आलोचना गर्ने, संचारमाध्यममार्फत हाम्रो कमजोरीहरु छताछुल्ल गर्ने काम भएपछि चासो दिने गरिन्छ । यो चाहीं हुँदैन् । मैंले रोकेको छु भने मलाई अहिले भन्नुहोस् । सचिवले रोक्नुभएको छ भने यहाँ तत्काल भन्नुहोस् । कतैबाट नीतिगत रुपमा अप्ठ्यारो परेको छ भने भन्नुहोस् तर तत्काल कुनै ढिलाई नगरी राहतको र उद्दारको लागि काम गरिहाल्नुहोस् ।’
कतिपय ठाउँमा जनचेतनाको कुरामा सरकार चुकिरहेको कारण पनिवन ढडेलो तथा आगलागी हुने गरको उनको भनाई छ ।

काठमाण्डौ । नेकपा एकीकृत समाजवादीका अध्यक्ष एवं पूर्व प्रधानमन्त्री माधवकुमार नेपालले आफूलाई उपेक्षा गरे सत्ता गबठन्धनबाट बाहिरिने चेतावनी दिएका छन् ।
शुक्रबार काठमाण्डौमा आयोजित कार्यक्रमलाई सम्बोधन गर्दै उनले नेपालको अहिलेको राजनीति र मौसम उस्तै–उस्तै भएको टिप्पणी गरे ।
नेपालको मौसमबारे केही भन्न नसकेजस्तै राजनीतिमा पनि केही भन्न सक्ने अवस्था नरहेको उनले जानकारी दिए । उनले राजनीतिक स्थायित्व देशलाई चाहिएको जनाए ।
राजनीतिक स्थायित्व देश परिवर्तन, विकासका लागि चाहिएको उनले जनाए । देश विकासका लागि सामाजिक न्याय, समानता, उत्पादन, रोजगारी प्रवद्र्धन, राष्ट्रिय पुँजीको विकासमा जोड दिनुपर्ने उनले जनाए ।
उनले भने, ‘अहिलेको नेपालको राजनीति नेपालको मौसम जस्तै छ तर हामी चाहन्छौं, मौसमको बारेमा केही भन्न नसके जस्तै नेपालको राजनीतिमा भन्न नसक्ने अवस्था नबनोस् । प्रस्ट रूपमा हामीले भन्न सकौं । राजनीतिक स्थायित्व हामीलाई चाहिएको छ तर राजनीतिक स्थायित्व भनेको परिवर्तनका लागि, विकासका लागि हो, देशलाई अघि बढाउनका लागि हो ।’
देशको अर्थतन्त्रसहित सबै किसिमका समस्या समाधानमा सरकारले ध्यान दिनुपर्ने उनले जानकारी दिए । उनले सुशासन, सामाजिक न्याय र समानता, समृद्धि, उत्पादन, पुँजी निर्माण, उद्यमहरूको विकास, सीप सिकाउने, उद्यमशीलतालाई प्रोत्साहन दिन काम गर्नुपर्ने जनाए ।