काठमाडौं । सिटिजन्स बैंक इन्टरनेसनलले १७औं वार्षिकोत्सवको उपलक्ष्यमा आकर्षक योजनाहरु सार्वजनिक गरेको छ ।
वैशाख ७ गतेको वार्षिकोत्सवलाई ध्यानमा राखेर बैंकले वैशाख १ गते देखि ३१ गतेसम्म विभिन्न सुविधामा छुट, क्यासब्यक, लगायतका योजनाहरु सार्बजनिक गरेको छ ।
यो योजना अन्तर्गत डेबिट क्रेडिट कार्ड प्रयोगकर्ताहरुले पस मेसिन र अनलाईन मार्फत १ हजार वा बढीको कारोबार गर्दा १७ प्रतिशत वा बढिमा १७० रुपैयाँ क्यासब्याक दिइने छ ।
यस्तै सिटिजन्स स्मार्ट मार्फत क्यु आर कोड स्क्यान गरी भुक्तानी गर्ने ग्राहकहरुको लागि पनि ५ सय रुपैयाँ वा बढीको कारोबार गर्दा १७ प्रतिशत वा बढीमा १७० रुपैयाँ क्यास ब्याक प्रदान गरिने बैंकले जानकारी दिएको छ ।
डिजिटल भुक्तानीको अर्को माध्यम इ ( कम कार्डको प्रयोगलाई प्रोत्साहन गर्ने उद्देश्यका साथ बैंकले योजना अवधीभरमा इ) कम कार्ड लिन चाहनुहुने ग्राहक लाई सो कार्ड निःशुल्क रुपमा उपलब्ध गराउने जनाएको छ ।
बैंकले यो योजना अवधिभर ग्राहकहरुका लागि निःशुल्क डिम्याट खाता खोलिदिने व्यवस्था गरेको छ । साथै बैंकका निश्कृय मोबाईल बैंकिङ्ग ग्राहकहरुलाई योजना अवधिभर सेवा सक्रिय गर्दा एकमुष्ठ १५० रुपैयाँ छुट प्रदान गरिने समेत बैंकले जानकारी दिएको छ ।
बैंकले देशैभरी रहेका १९० वटा शाखा, १५३ वटा ए.टि.एम. र ९८ वटा शाखा रहित बैंकिङ्ग ईकाईहरुबाट १७ लाख ४६ हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।
हाल ५५ जिल्लामा आफ्नो सेवा प्रदान गर्दै आएको सिटिजन्स बैंक इन्टरनेसनल लिमिटेडले यसै आर्थिक वर्ष थप ७ शाखाहरु विस्तार गरेर आगामी दिनमा देशको ६० वटा जिल्लामा सेवा प्रदान गर्नेछ ।

काठमाडौं । सानिमा रिलायन्स लाइफ इन्स्योरेन्सका चिफ एजेन्सी म्यानेजर नारायण बहादुर गुरुङ्ग सन २०२५ को लागि एमडीआरटी बन्न सफल भएका छन् । यो सहित उनी लगातार पाँच पटक एमडीआरटी बन्न सफल भएका छन् ।
कम्पनीको बनेपा २ शाखा कार्यालयमा आवद्ध रहेका एजेन्सी म्यानेजरले छोटो अवधिमा नै सन २०२५ को लागि एमडीआरटीब बन्न सफल भएका हुन् । आफ्नो कामप्रति सधै इमान्दार र सक्रिय रहेका उनले आम नागरिकको बीमा गरी जोखिम हस्तान्तरणको भुमिका निर्वाह गर्दै आइरहेका छन् । गुरुङ उत्तरी धादिङको एक मध्यम परिवारमा जन्मिएका हुन।
कम्पनीका प्रमुख कार्यकारी अधिकृत शिवनाथ पाण्डेले एजेन्सी म्यानेजर गुरुङ्गलाई प्रधान कार्यालयमा बोलाएर नै धन्यवाद व्यक्त गर्दै हौसला प्रदान गरेका छन् । साथै उनले भने, ‘अर्गानिक रुपमा व्यवसाय गरी कम्पनीलाई आर्थिक रुपमा मजबुद बनाउन अभिकर्ताप्रति सधै उच्च सम्मान रहेको छ । आगामी दिनमा पनि अझै प्रगति गर्नुस्।’
सन् २०१९देखि हालसम्म लगातार एमडीआरटी मेम्बर बनिसकेका गुरुङ २०२१ का सिओटी मेम्बर समेत भएका थिए । सम्मान कार्यक्रममा पाण्डे सहित सबै उच्च ब्यबस्थापन र शाखा तथा क्षेत्रका प्रमुखहरुको उपस्थिति रहेको थियो ।
पाँचौ पटक एमडीआरटी बन्न सफल भएका एजेन्सी म्यानेजरले कम्पनीको साथ, सहयोग र हौसलाप्रति हार्दिक आभार व्यक्त गरेका छन् ।

काठमाडौं । प्रभु बैंकडका ग्राहकले स्काइवाक टावरको टिकट खरिदमा विशेष छुट पाउने भएका छन् । प्रभु बैंक र वन्डर्स नेपालबिच भएको समझदारीसँगै छुट पाउने भएका छन् ।
प्रभु बैंकको तर्फबाट प्रमूख मार्केटि‌ग अफिसर रविन्द्र ढकाल र वन्डर्स नेपालका कार्यकारी निर्देशक पदम प्रसाद न्यौपानेले हस्ताक्षर गरेका छन् । बैंकका ग्राहक तथा कर्मचारीले यो सुविधा दुई वर्षसम्म उपभोग गर्न पाउनेछन् ।
सम्झौैता अनुसार बैंकका ग्राहक तथा कर्मचारीले स्काइवाक टावरको टिकट खरिद गर्दा १० प्रतिशत छुट पाउनेछन् । छुट सुविधा प्राप्त गर्नका लागि बैंकका ग्राहकहरुले टिकट खरिद गर्दा प्रभु बैंकको डेबिट कार्ड, क्रेडिट कार्ड तथा प्रिभलेज कार्ड मध्ये कुनै एक पेश गर्नुपर्ने छ ।
बैंकले ग्राहक लक्षित छुट तथा अन्य सुविधा सम्झौता विभिन्न अस्पताल,रेष्टुरेन्ट, होटल,पार्लर,डिपार्टमेन्टल स्टोरहरु लगायत अन्य व्यापारिक ईकाइहरुमा समेत रहेको छ ।
स्काइवाक टावर ७८.५ मिटर अग्लो छ । यस टावरबाट उपत्यकाको ३६० डिग्रीमा द्दश्यावलोकन गरि मनोरजंन लिन सकिन्छ ।
बैंकको नेपालभर ३०२ शाखा कार्यालयहरु, २८५ एटीएम साथै ७० एक्सटेन्सन काउन्टर रहेको छ ।

काठमाडौं । शेयर बजार निरन्तर घटिरहेको छ । कारोबार रकम पनि २ अर्बमा समेटिएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार १४.८१ अंकले घटेको हो । ०.७३ प्रतिशतले बजार घट्दा नेप्से १९९१.७१ अंकमा झरेको छ ।
आज पनि सबै समूहहरु राताम्मे भए । सबैभन्दा बढी हाइड्रोपावर समूह १.३१ प्रतिशतले घटेको हो ।
३१२ कम्पनीका ५४ लाख ७१ हजार ७८ कित्ता शेयर किनबेच हुँदा २ अर्ब १० करोड ३० लाख १९ हजार २ सय १८.५८ रुपियाँ बराबरको कारोबार भएको छ ।
समग्रमा बजार घटे पनि सिद्धार्थ बैंकको ऋणपत्र र गोर्खाज फाइनान्सका लगानीकर्ताहरुको क्रमशः ९.९९ र ९.९६ प्रतिशतले नाफा कमाइका छन् ।
त्यस्तै रु रु जलविद्युत परियोजना लिमिटेडका लगानीकर्ताहरुले सबैभन्दा बढी १० प्रतिशतले घाटा व्यहोरेका छन् ।
गोर्खाज फाइनान्सको उच्च कारोबार भएको छ । उक्त कम्पनीको १७ करोड ५९ लाख ७८ हजार १ सय ६३.२० रुपियाँ बराबरको कारोबार भएको नेप्सेले जानकारी दिएको छ ।
साताको पहिलो आइतबार २.३५ अंकले बजार घट्दा ३ अर्ब ६ करोड ३७ लाख ७२ हजार ६ सय ५२.६२ रुपियाँ र हिजो सोमबार १६.८२ अंकले बजार घट्दा २ अर्ब ७९ करोड ७५ लाख ७७ हजार ४ सय ३२.६८ रुपियाँ बराबरको कारोबार भएको थियो ।