काठमाडौं । एभरेष्ट बैंकले सिन्धुलीमा शाखा विस्तार गरेको छ । बैंकले यही जेठ ५ गते बागमती प्रदेशको सिन्धुली जिल्लाअन्तर्गत कमलामाई नगरपालिका वडा नं ६ मा आफ्नो १३२औँ शाखा विस्तार गरेको हो ।
यो शाखासँगै बागमती प्रदेशमा बैंकको शाखा संख्या ४७ पुगेको छ । शाखा विस्तार सँगै सिन्धुलीवासीले अत्याधुनिक, सरल र सहज बैंकिङ सुविधा लिनसक्ने विश्वास बैंकले गरेको छ ।
कमलामाई नगरपालिकाका मेयर उपेन्द्रकुमार पोखरेल र बैंकका सञ्चालक समितिका अध्यक्ष डा। बालगोपाल वैद्यलेसंयुक्त रुपमा उद्घाटन गरेका हुन् । सो समारोहमा कमलामाई नगरपालिका वडा नं ६ का वडाध्यक्ष उज्वल कुमार थापा, सिन्धुली उद्योग वाणिज्य संघका वरिष्ठ उपाध्यक्ष देवनारायण श्रेष्ठ, प्रहरी नायब उपरीक्षक सूर्य प्रकाश सुवेदी, बैंकका प्रमुख कार्यकारी अधिकृत सुदेश खालिङ तथा बैंकका कर्मचारीलगायत स्थानीयवासीको उत्साहजनक उपस्थिति रहेको थियो ।
कार्यक्रममा बोल्दै मेयर पोखरेलले बैंकको उपस्थितिसँगै बैंकले गुणस्तरीय सेवा, सुविधा र सन्तुलित लगानी गर्ने विश्वास प्रकट गरे । साथै बैंकका सञ्चालक समितिका अध्यक्ष डा। वैद्यले एभरेष्ट बैंकको शाखा कार्यालय सिन्धुलीमा सञ्चालनमा आए सँगै यहाँका बासिन्दालाई सबल, सरल, उत्कृष्ट साथै अत्याधुनिक तथा गुणस्तरीय बैंकिङ सेवा प्रदान गराउने प्रतिबद्धता व्यक्त गरे ।

काठमाडौँ । जीवन बीमा कम्पनी नेपाल लाइफ इन्स्योरेन्स कम्पनीले आफ्नो २४औँ वार्षिकोत्सव देशव्यापी रुपमा विभिन्न कार्यक्रम गरि मनाएको छ ।
यस अवसरमा देशको १० स्थानबाट रक्तदान कार्यक्रम, काठमाडौँमा निःशुल्क स्वास्थ्य शिविर तथा देशभर विभिन्न कार्यक्रमहरू गरिएको कम्पनीले जनाएको छ ।
यस अवसरमा कम्पनीले देशको सातै वटा प्रदेशमा रक्तदान कार्यक्रम मार्फत कोशी प्रदेशको इटहरीमा ५६, मधेश प्रदेशको बिरगंजमा ३०, बागमती प्रदेशको काठमाडौँमा ८२, गण्डकी प्रदेशको पोखरामा ६१ र कावासोतीमा ३९, लुम्बिनी प्रदेशको बुटवलमा ३०, भैरहवामा ३० र नेपालगंजमा २५, कर्णाली प्रदेशको सुर्खेतमा ३१ र सुदरुपश्चिम प्रदेशको टीकापुरमा २८ गरी कुल ४१२ पिन्ट रगत संकलन गरेको छ । यसका साथै कम्पनीले केन्द्रीय कार्यालयमा २ दिने निःशुल्क स्वास्थ्य शिविर पनि सन्चालन गरेको छ ।
यस अवसरमा कम्पनीका प्रमुख कार्यकारी अधिकृत प्रवीण रमण पराजुलीले कम्पनी आफ्नो चौबीसौँ वर्ष पूरा गरी पच्चीसौँ वर्षमा प्रवेश गरेको सुखद उपलक्ष्यमा मार्गनिर्देशन प्रदान गर्ने संचालक समितिका अध्यक्ष तथा संचालकहरु, शेयरधनी, सम्पूर्ण ग्राहक, कम्पनीको मेरुदण्डका रूपमा रहेका अभिकर्ताहरु, आरोह अवरोहमा सदैव साथ दिने कर्मचारीहरु, नियामक निकायहरुका साथसाथैे सबै सरोकारवालाहरुमा धन्यवाद तथा शुभकामना व्यक्त गरे । उनले आगामी दिनमा सबैको माया, विश्वास र सहकार्य संस्थाले पाईरहने अपेक्षा रहेको जनाए ।

काठमाण्डौं । प्रभु बैंक लिमिटेड र इला होटल्स एण्ड रिसोर्ट्स र मौलाकाली केबलकार लिमिटेडबीच आज एक विशेष समझदारीपत्रमा हस्ताक्षर भएको छ।
यस समझदारीले बैंकका ग्राहक तथा कर्मचारीहरूलाई इला होटल्स एण्ड रिसोर्ट्स र मौलाकाली केबलकारमा विशेष छुट तथा सेवा प्रदान गर्नेछ।
समझदारीपत्रमा प्रभु बैंक लिमिटेडका प्रमुख प्रदेश अधिकृत सांग्रीला श्रेष्ठ र इला होटल्स एण्ड रिसोर्ट्स र मौलाकाली केबलकार लिमिटेडका महाप्रबन्धक अर्बिन्द्र केसीले हस्ताक्षर गरेका हुन् ।
यस सहकार्य अन्तर्गत, प्रभु बैंकका ग्राहक र कर्मचारीहरूले तल उल्लेखित विशेष सुविधाहरू प्राप्त गर्नेछन्ः
खानपानमा (फुड एण्ड वेभरेज) –१० प्रतिशत छुट
केबलकार टिकटमा– २० प्रतिशत छुट
आवास सेवामा (एकोमोडेसन) –१० प्रतिशत छुट र केबलकार यात्रा निःशुल्क
यस सम्झौताले दुवै कम्पनीबीच औपचारिक सहकार्यको नयाँ आयाम सुरु गरेको छ, जसले ग्राहकहरूलाई गुणस्तरीय सेवा र विशेष अनुभव प्रदान गर्नेछ। ग्राहक तथा कर्मचारीहरूलाई उच्चस्तरीय जीवनशैली अनुभव प्रदान गर्न यो सहकार्य महत्वपूर्ण उपलब्धि हो।
त्यसैगरी, ग्राहकहरुको रोजाईको अग्रणी बैंकको रुपमा रहेको तथा हालसालै ‘बैंक अफ द इयर २०२३’को उपाधिबाट सम्मानित प्रभु बैंकका नेपालभर ३११ शाखा कार्यालयहरु, २८४ एटिएम साथै ६९ एक्सटेन्सन काउन्टरमार्फत करिब ३५ लाख भन्दा बढि ग्राहकहरूलाई ‘विश्वास लिन्छौं, विश्वास दिन्छौँ’ भन्ने मुल नाराका साथमा बैंकिङ एवं वित्तीय सेवा प्रवाह गरिरहेको प्रभु बैंकले अत्याधुनिक प्रविधि मार्फत गुणस्तरीय सेवा प्रवाह गर्दै प्रतिस्पर्धी रूपमा अगाडि बढिरहेको छ ।
साथै प्रभु बैंक फिनाकल ईन्फोसिस ईनोभेसन गोल्ड– २०२४ अवार्डबाट पनि सम्मानित भएको छ ।

काठमाडौं । सानिमा रिलायन्स लाइफ इन्स्योरेन्सले ल्याएको ‘सीमित भुक्तानी सावधिक जीवन बीमा’ योजना बीमितको रोजाइमा पर्दै गइरहेको छ।
यो योजना विशेषगरी जीवन बीमासँगै बचत गर्न चाहने र आकस्मिक खर्चका लागि तयारी गर्न चाहने व्यक्तिहरूका लागि उपयुक्त भएकाले पनि यसको माग बजारमा बढ्दै गइरहेको कम्पनीले जनाएको छ।
कम्पनीका अनुसार यस योजनाअन्तर्गत बीमितले १०, १५, २० र २५ वर्षका लागि बीमा लिन सक्छन् तर बीमाशुल्क भने ८, १२, १६ र २० वर्ष मात्रै तिर्ने व्यवस्था गरिएको छ।
यसरी कम अवधिमा बीमाशुल्क तिरेर लामो समयसम्म बीमा सुरक्षा पाइने र बीमाशुल्क तिर्न वार्षिक, अर्धवार्षिक वा त्रैमासिक विकल्प भएकाले बीमितको आय अनुसार उपयुक्त रहेको छ।
यो योजनाको एउटा ठूलो विशेषता बीमा अवधि सकिएपछि बीमितले आफ्नो बीमांक रकमसँगै बोनस पनि प्राप्त गर्ने हो। बीमा अवधिभित्रै बीमितको मृत्यु भएमा परिवारले बोनस सहित बीमांक रकम पूरा रुपमा पाउनेछन्।
बीमा अवधि बित्दै जाँदा जोखिम सुरक्षा पनि क्रमशः बढ्दै जाने र यसले भविष्यमा अझ बढी कभरेज सुनिश्चित गर्ने कम्पनीले जनाएको छ।
यस योजनामा वैकल्पिक सुरक्षा सुविधाहरू पनि थप गर्न सकिनेछ। दुर्घटनाबाट मृत्यु भएमा दोब्बर रकम पाइने, पूर्ण स्थायी अशक्तताको अवस्थामा मासिक रुपमा किस्ताबन्दीमा बीमांक रकम भुक्तानी गरिने र घातक रोग लागेमा ५० लाख रुपैयाँसम्मको एकमुष्ठ रकम पाउने सुविधा छ।
यी सुविधाले गर्दा यो योजनाले केवल जीवन बीमा मात्र नभई स्वास्थ्य तथा आपत्कालीन अवस्थाका लागि समेत सुरक्षा दिने कम्पनीले दाबी गरेको छ।
यो बीमा योजनामा सहभागी हुनका लागि बीमितको उमेर कम्तीमा १८ वर्ष र बढीमा ६५ वर्ष हुनु पर्नेछ। न्यूनतम बीमांक २५ हजार रुपैयाँ राखिएको छ भने अधिकतम बीमांक बीमितको आम्दानी अनुसार निर्धारण गरिने कम्पनीले जनाएको छ।

काठमाडौं । सिद्धार्थ बैंक र होलिडे इन् रिसर्ट बूढानीलकण्ठबीच बैंकका ग्राहकलाई विभिन्न सेवामा छुट प्रदान गर्ने सम्बन्धी सम्झौता भएको छ ।
सम्झौता अनुसार बैंकका ग्राहकहरुले बूढानीलकण्ठस्थित होलिडे इन् रिसर्ट काठमाडौंमा बैंकको कार्ड तथा मोबाईल बैंकिङ्ग सेवाबाट भुक्तानी गर्दा फुड र सफ्ट बेभरेजमा १५ प्रतिशतसम्मको छुट प्राप्त गर्न सक्ने छन् । यस सम्झौताले ग्राहकहरुलाई छुटको सुविधा उपलब्ध गराउनुका साथै नगद कारोबारबाट डिजिटल कारोबारमा जान पनि उत्प्रेरित गर्ने विश्वास बैंकले लिएको छ ।
बैंकले डिजिटल भुक्तानीको प्रयोगलाई बढाउन र ग्राहकहरुलाई डिजिल माध्यमबाट भुक्तानी गर्न प्रोत्साहन गर्ने क्रममा केहि समय अघि मात्रै ‘सिद्धार्थ रिवार्डस’ नामक लोयल्टी सेवा पनि सञ्चालनमा ल्याएको छ ।