काठमाडौं । सानिमा जीआईसी इन्स्यारेन्स लिमिटेडले गत आर्थिक वर्ष असार मसान्तसम्म ३५ करोड ३ लाख रुपैयाँ खुद नाफा आर्जन गरेको छ । यो अघिल्लो वर्षको सोही अवधिको ३१ करोड ८१ लाख रुपैयाँको तुलनामा १०.१३ प्रतिशतले बढी हो ।
कम्पनीले सार्वजनिक गरेको चौथो त्रैमासको वित्तीय विवरण अनुसार कम्पनीको नाफा, बीमाशुल्क आर्जन तथा प्रतिशेयर आम्दानी सबैमा उल्लेख्य वृद्धि भएको हो ।
कम्पनीले २ अर्ब ५४ करोड रुपैयाँ खुद बीमाशुल्क आर्जन गरेको छ । यो अघिल्लो आवको २ अर्ब ५१ करोड रुपैयाँको तुलनामा १.३३ प्रतिशतले बढी हो। कम्पनीको बीमाकोष पनि उल्लेखनीय रूपमा बढेको छ । अघिल्लो वर्ष ३ अर्ब ३० करोड रुपैयाँ रहेको बीमाकोष २२.२९ प्रतिशतले वृद्धि भई ४ अर्ब ४ करोड रुपैयाँ नाघेको छ ।
कम्पनीको कुल आम्दानी १ अर्ब ४७ करोड रुपैयाँ पुगेको छ । यो अघिल्लो आवको १ अर्ब ४३ करोड रुपैयाँभन्दा बढी हो । कुल खर्च भने ९९ करोड ६७ लाख रुपैयाँबाट घटेर ९७ करोड ६३ लाख रुपैयाँमा झरेको छ । तर, अभिकर्तालाई दिइने कमिसन खर्च भने ३ करोड ७२ लाख रुपैयाँबाट बढेर ४ करोड ४३ लाख रुपैयाँ पुगेको छ ।
कम्पनीको प्रतिशेयर आम्दानी १५.९१ रुपैयाँबाट बढेर १६.३० रुपैयाँ पुगेको छ भने प्रतिशेयर नेटवर्थ १५२.१२ रुपैयाँ कायम भएको छ ।
हाल कम्पनीको चुक्ता पूँजी २ अर्ब १५ करोड रुपैयाँ रहेको छ । कम्पनीको महाविपत्ति कोषमा ४ करोड ६४ लाख, जगेडा कोषमा १८ करोड ३२ लाख र अन्य इक्विटीमा १३ करोड १० लाख रुपैयाँ छ ।

काठमाडौँ । काठमाडौँ महानगरपालिका वडा न. ११ बबरमहल स्थित अन्नपूर्ण न्यूरो हस्पीटल र प्रभु बैंक लिमिटेड बीच बैंकका ग्राहक तथा कर्मचारीहरुलाई अन्नपूर्ण न्यूरो हस्पीटलको सेवा सुविधामा विशेष छुट प्रदान गर्ने सम्झौता भएको छ ।
बैकंका कर्मचारी र कर्मचारीका परिवारजन तथा ग्राहकहरुले १०–१५ प्रतिशत छुट पाउने भएका छन । सो छुट सेवासुविधा अन्नपूर्ण न्यूरो हस्पीटल मा प्राप्त गर्न सकिनेछ । उक्त सम्झौतापत्रमा अन्नपूर्ण न्यूरो हस्पीटलका तर्फबाट मेडिकल प्रशासक डाक्टर शरद गजूरेल र मार्केटीङ म्यानेजर पे्रम कुमार दाहाल तथा प्रभु बैंक लि.का तर्फबाट चिफ मार्केटीङ अफिसर रमेश कुमार श्रेष्ठ र मार्केटीङ म्यानेजर दिना चित्रकारको संयुक्त हस्ताक्षर बिच सम्पन्न भएको हो ।
त्यसैगरी, ग्राहकहरुको रोजाईको अग्रणी बैंकको रुपमा रहेको तथा हालसालै “बैंक अफ द इयर २०२३” को उपाधिबाट सम्मानित प्रभु बैंकका नेपालभर ३१२ शाखा कार्यालयहरु, २८६ एटीएम साथै ६८एक्सटेन्सन काउन्टर मार्पmत करिब ३१ लाख भन्दा बढि ग्राहकहरुलाई ‘बिश्वास लिन्छौं, विश्वास दिन्छौं’ भन्ने मुल नाराका साथमा बैंकिङ एवं वित्तीय सेवा प्रवाह गरिरहेको प्रभु बैंकले अत्याधुनिक प्रविधि मार्फत गुणस्तरीय सेवा प्रवाह गर्दै प्रतिस्पर्धी रुपमा अगाडि बढिरहेको छ । साथै प्रभु बैंक फिनाकल ईन्फोसिस ईनोभेसन गोल्ड–२०२४ अवार्डबाट पनि सम्मानित भएको छ ।

काठमाडौं । सानिमा जीआईसी इन्स्यारेन्स लिमिटेडले गत आर्थिक वर्ष (आव) को चौथो त्रैमासिक वित्तीय विवरण आज प्रकाशित गरेको छ। उक्त वित्तीय विवरण अनुसार कम्पनीको नाफा र ईपीएससँगै आम्दानी पनि बढेको हो।
कम्पनीले गत आवको असार मसान्तसम्म ३५ करोड ३ लाख रुपैयाँ खुद नाफा कमाएको छ जुन कम्पनीले अघिल्लो आवको यसै अवधिमा कमाएको ३१ करोड ८१ लाख रुपैयाँको तुलनामा १०.१३ प्रतिशत बढी हो।
त्यसैगरी गत आवमा कम्पनीले २ अर्ब ५४ करोड रुपैयाँ खुद बीमाशुल्क आर्जन गरको हो। अघिल्लो आवमा कमाएको २ अर्ब ५१ करोड रुपैयाँको तुलनामा १.३३ प्रतिशतले बीमाशुल्क आर्जन बढेको छ।
यता कम्पनीको बीमाकोष अघिल्लो वर्ष ३ अर्ब ३० करोड रुपैयाँ रहेकोमा गत वर्ष २२.२९ प्रतिशतले बढेर ४ अर्ब ४ करोड रुपैयाँ नाघेको वित्तीय विवरणले देखाएको छ।
गत वर्ष कम्पनीको कुल आम्दानी १ अर्ब ४३ करोड रुपैयाँबाट बढेर १ अर्ब ४७ करोड रुपैयाँ पुग्दा कुल खर्च भने ९९ करोड ६७ लाख रुपैयाँबाट घटेर ९७ करोड ६३ लाख रुपैयाँमा झरेको छ।
कुल खर्च घटेपनि कम्पनीको अभिकर्तालाई दिने कमिसन भने बढेको देखिएको छ। अघिल्लो वर्ष कम्पनीले अभिकर्ता कमिसनमा ३ करोड ७२ लाख रुपैयाँ खर्चिएकोमा गत वर्ष भने ४ करोड ४३ लाख रुपैयाँ खर्चिएको छ।
त्यसैगरी कम्पनीको प्रतिशेयर आम्दानी पनि १५.९१ रुपैयाँबाट बढेर १६.३० रुपैयाँ पुग्दा प्रतिशेयर नेटवर्थ १५२.१२ रुपैयाँ कायम भएको छ। चुक्ता पूँजी २ अर्ब १५ करोड रहेको कम्पनीको महाविपत्ति कोषमा ४ करोड ६४ लाख, जगेडा कोषमा १८ करोड ३२ लाख र अन्य इक्विटीमा १३ करोड १० लाख रुपैयाँ छ।

काठमाडौं । एनएलजी इन्स्योरेन्स कम्पनी लिमिटेडले गत आर्थिक वर्ष (आव) को अन्तिम त्रैमासिक वित्तीय विवरण सार्वजनिक गरेको छ। उक्त वित्तीय विवरणमा कम्पनीको अधिकांश वित्तीय सूचकमा चमक देखिएको हो।
अघिल्लो आवको असार मसान्तसम्म १४ करोड ६९ लाख रुपैयाँ खुद नाफा कमाएको यस कम्पनीले गत आवको असार मसान्तसम्म ९.६६ प्रतिशतको वृद्धि सहित १६ करोड ११ लाख रुपैयाँ खुद नाफा कमाउन सफल भएको छ।
त्यसैगरी अघिल्लो वर्ष ६४ करोड ५ लाख रुपैयाँ मात्रै खुद बीमाशुल्क आर्जन गरेको कम्पनीले गत वर्ष ४६.६२ प्रतिशत वृद्धि गर्दै ९३ कराड ९२ लाख रुपैयाँ खुद बीमाशुल्क आर्जन गरेको छ।
कम्पनीको बीमा कोषको आकार पनि २ अर्ब ८५ करोड रुपैयाँबाट १८.६४ प्रतिशतले बढेर ३ अर्ब ३८ करोड रुपैयाँ पुगेको वित्तीय विवरणले देखाएको छ।
यता कम्पनीको कुल आम्दानी १ अर्ब २७ करोड रुपैयाँबाट बढेर १ अर्ब ५२ करोड रुपैयाँ पुग्दा कुल खर्च पनि १ अर्ब ४ करोड रुपैयाँबाट बढेर १ अर्ब २८ करोड रुपैयाँ पुगेको छ। यद्यपि कम्पनीको प्रतिशेयर आम्दानी भने ९.५५ रुपैयाँबाट घटेर ६.२८ रुपैयाँमा झरेको छ। प्रतिशेयर नेटवर्थ १७७.०६ रुपैयाँ कायम भएको छ।
चुक्ता पूँजी २ अर्ब ५६ करोड रुपैयाँ पुगेको कम्पनीको महाविपत्ति कोषमा ८ करोड ५७ लाख रुपैयाँ, जगेडा कोषमा ५ करोड ७४ रुपैयाँ, शेयर प्रिमियम २७ करोड १९ लाख रुपैयाँ र स्पेशल रिजर्भमा १ अर्ब ३८ करोड रुपैयाँ रहेको छ।

काठमाडौं । राष्ट्रिय वाणिज्य बैंक लिमिटेडले गत आर्थिक वर्ष (आव) मा ३ अर्ब ८१ करोड रुपैयाँ खुद नाफा कमाएको छ। अघिल्लो आवमा २ अर्ब ५५ करोड रुपैयाँ खुद नाफा कमाएको बैंकले त्यसको तुलनामा गत वर्ष ४९.५३ प्रतिशत बढी नाफा कमाएको हो।
बैंकले अघिल्लो वर्ष १० अर्ब ३ करोड रुपैयाँ खुद ब्याज आम्दानी गरेकोमा गत वर्ष १० अर्ब ८ करोड रुपैयाँ बढी खुद ब्याज आम्दानी गरेको छ। बैंकको कुल आम्दानी पनि ११ अर्ब ५४ करोड रुपैयाँबाट बढेर १२ अर्ब ८४ करोड रुपैयाँ पुगेको छ।
आम्दानी बढेसँगै बैंकको सञ्चालन नाफा पनि अघिल्लो वर्ष ४ अर्ब ९ करोड रुपैयाँ रहेकोमा गत वर्ष ३१.५९ प्रतिशत बढेर ५ अर्ब ३८ करोड रुपैयाँ पुगेको छ।
नाफा र आम्दानी वृद्धि भएपछि अघिल्लो वर्ष १ अर्ब २२ करोड रुपैयाँ ऋणात्मक रहेको वितरणयोग्य नाफा गत वर्ष ३० करोड ३४ लाख रुपैयाँ धनात्मक भएको छ।
बैंकको प्रतिशेयर आम्दानी पनि १६.३२ रुपैयाँबाट बढेर २४.४१ रुपैयाँ पुगेको छ भने खराब कर्जा ४.२८ प्रतिशतबाट घटेर ३.५९ प्रतिशतमा झरेको छ।
चुक्ता पूँजी १५ अर्ब ६३ करोड रुपैयाँ रहेको बैंकको रिजर्भमा ३७ अर्ब ४७ करोड रुपैयाँ रहेको छ। बैंकले २ खर्ब ९४ अर्ब १८ करोड रुपैयाँ कर्जा प्रवाह गरी त्यसबाट ५ खर्ब ४१ करोड रुपैयाँ निक्षेप संकलन गरेको छ।