काठमाडौं । ग्लोबल आइएमई बैंकले मोबाईल बैंकिङ एप ‘ग्लोबल स्मार्ट प्लस’ लाई डिजिटल भुत्तानी प्लेटफर्मलाई परिस्कृत गर्दै ‘फाइनान्सियल इकोसिस्टम’ को अभिन्न अंगको रुपमा अगाडि सारेको छ । बैंकले डिजिटल भुक्तानी सेवामात्रै नभएर एपबाट नै विभिन्न फाइनान्ससियल सर्भिस र पुँजीबजारको समेत विभिन्न सेवाहरु पाउने गरी परिस्कृत बनाउँदै लगेको हो ।
अब ग्राहकले ग्लोबल स्मार्ट प्लसबाट नै आईपीओ भर्नदेखि सेयर बजारको लाइभ मार्केट हेर्न र कुन स्टकमा लगानी गर्ने भनेर अध्ययन र विश्लेषण गरी योजना बनाउन पनि सक्ने भएका छन् ।
ग्लोबल आईएमई बैंकको मोबाईल बैंकिङ एप‘ग्लोबल स्मार्ट प्लस’ प्रयोग गर्नेले उत्त एपबाट नै आईपीओ आवेदन दिन सकिने बैंकले जनाएको छ । रकमान्तर क्यूआर भुक्तानी, दैनिक उपभोग्य सेवाहरुको शुल्क भुक्तानी जस्ता विभिन्न सुविधाहरु प्रदान गर्दै आइरहेको ‘ग्लोबल स्मार्ट प्लस’ लाई परिस्कृत गर्दै बैंकले नयाँ सुविधा थप गरेको हो । ‘मोबाइल बैंकिङ प्रयोगकर्ताहरुलाई थप सेवा प्रदान गर्न बैंकले मोबाइल बैंकिङ एपबाटै आईपीओ भर्न मिल्ने व्यवस्था गरेका छौं,’ बैंकका ट्रान्सजेक्सन विभाग प्रमुख प्रकाश पौडेलले भने ।
‘ग्लोबल स्मार्ट प्लस’ प्रयोगकर्ताहरुले आइपीओको आवेदन दिन अब कुनै युआरएल प्रयोग नगरी सिधै मोबाइल बैंकिङबाटै २, ३ क्लिकमा नै आईपीओमा आवदेन दिन सक्ने उनले जनाए ।
आईपीओ म्यानेजमेन्टमा गई बैंकका ग्लोबल स्मार्ट प्लस प्रयोगकर्ताले सजिलैसँग आफ्नो डिम्याट नम्बर प्रविष्ट गरेपश्चात् सीआरएन नम्बर तुरन्तै प्राप्त गर्ने सक्ने बैंकले जनाएको छ ।
यसरी एकपटक डिम्याट नम्बर प्रविष्ट गरी भ्यालिडेसन गरेपछि ग्लोबल स्मार्ट प्लस प्रयोगकर्ताले सहजरुपमा आवेदन खुल्ला भएको आईपीओमा आवेदन दिन सकिने पौडेलले जनाए ।
‘मोबाइल बैंकिङ एप भुक्तानी मात्रै नभएर ग्राहकको दैनिक लाइफस्टाइलसँग कसरी जोड्न सकिन्छ भनेर हामीले काम गरिरहेका छौं,’ ट्रान्सजेक्सन विभाग प्रमुख प्रकाश पौडेलले भने, ‘अहिले नागरिकसँग सबैभन्दा धेरै प्रयोग हुने आईपीओ एप्लिकेसनलाई हामीले मोबाइल बैंकिङ एपसँग जोडेका छौं । डिम्याट नम्बरलाई मोबाइल बैंकिङ एपमा एकपटक भ्यालिडेसन गरेपछि ३, ४ क्लिकमा नै आईपीओमा एप्लाई गर्न सक्छौं । सीआरएन नम्बर बिर्सिएर समस्या पनि हुँदैन ।’
एपबाटै आईपीओ प्रिअलर्ट दिने उनले बताए । ‘ग्राहकको समय पनि बचत होस् । आईपीओ भर्न नछुटोस् भनेर यो सुरू गरेको हो,’उनले भने, ‘अब आईपीओ भर्न छुट्टै युआरएल खाल्नु पर्दैन ।’ ग्लोबल स्मार्ट प्लसलाई अझै परिस्कृत बनाउँदै, पेमेन्ट एपलाई परिस्कृत गर्दै जाने क्रमममा फाइनान्सियल इकोसिस्टमको अभिन्न अंग भइसकेको पुँजीबाजरलाई पनि एउटा एपमा समावेश गरेको बैंकका डिजिटल बैंकिङ विभाग प्रमुख विज्ञान अधिकारीले जनाए । यो कुनै नयाँ प्रोडक्ट नभएपनि विभिन्न युआरएल एपमा रहेको सेवालाई एकिकृत गरेर एउटै एपमा ल्याएको उनले जनाए ।
यस सेवाले बैंकको मोबाइल बैंकिङ प्रयोगकर्ताहरुले सहज रुपमा आईपीओमा आवेदन दिन सक्ने र आईपीओ आवेदन खुल्ला भएको जानकारी समेत पाउने बैंकले जनाएको छ ।
यस्तै बैंकले ग्लोबल स्मार्ट प्लसमा नै लाइभ मार्केट सुविधा पनि सुरु गरेको छ । ‘ग्लोबल स्मार्ट प्लसमा सेयर बजारको कारोबारहरुको जानकारी एकसाथ पाइनेछ । बैंकको लाइभ मार्केट सुविधामा ग्लोबल स्मार्ट प्लस प्रयोगकर्ताहरुले सेकेन्डरी बजारमा कारोबार भएको सेयरको सम्पूर्ण जानकारी पाउनेछन्,’ ट्रान्जेक्सन बैंकिङ विभाग प्रमुख पौडेलले भने, ‘अब ग्लोबल स्मार्ट प्लसमा लाइभ मार्केटको जानकारी, नेप्से कारोबारको सारांश, टप गेनर, टप टर्नओभर, पोर्टफोलियो, वाचलिस्ट, क्यालकुलेटर, स्टक कम्प्यारिजन, जस्ता महत्त्वपूर्ण जानकारी पनि उपलब्ध छ ।’
लाइभ मार्केट सुविधाअन्तर्गत ग्लोबल स्मार्ट प्लस प्रयोगकर्ताहरुले दोस्रो बजारको जानकारी लिन सक्ने बैंकले जनाएको छ । ग्राहकहरुले आफ्नो व्यक्तिगत सेयर लगानी ट्र्याक गर्न पनि सक्ने उनले जनाए । जसमा ग्राहकहरुले खरिद मुल्य र किता संख्या प्रविष्ट गर्न सक्छन् भने त्यसको आधारमा प्रणालीको हालको बजार मुल्य अनुसार कुल लगानीको वर्तमान मूल्य तथा नाफा वा घाटाको रियल टाइम गणनाको जानकारी पनि दिने बैंकले जनाएको छ ।
क्यालकुलेटरको प्रयोगले ग्लोबल स्मार्ट प्लस प्रयोगकर्तालाई सेयर किन्ने वा बेच्ने क्रममा सही हिसाब किताब गर्न सहयोग गर्ने पौडेलले जनाए । उक्त क्यालकुलेटरको सहयोगले लगानीको योजना मद्दत र्गछ ।
त्यस्तै वाचलिष्ट सुविधाले लगानीकर्ताहरुलाई लगानीको निर्णय लिनु अघि मूल्य परिवर्तन र मार्केट ट्रेन्ड निगरानी गर्नका लागि आफ्ना मनपर्ने सेयरहरुको व्यक्तिगत सूची (वाचलिस्ट) बनाउने सुविधा ग्लोबल स्मार्ट प्लसमा नै उपलब्ध भएको छ । त्यस्तै स्टक कम्प्यारिजनको सुविधाले लगानीकर्ताहरुलाई सेयरको विश्लेषणका लागि मूल्य ट्रेन्ड र अन्य सूचकहरुका आधारमा लगानी गर्न तुलानात्मक जानकारी सहितको सूचना उपलब्ध गराउँछ । यसले कम्पनीको फन्डामेन्टलको तुलनात्मक विश्लेषण प्राविधिक विश्लेषण गरी लगानीको निर्णय गर्न सहज बनाउनेछ ।
‘दोस्रो बजारको कारोबार समयमा सबै सूचकको रियल टाइममा मोबाइल एपमा नै देखाउँछ । मार्केटको ट्रेन्ड हेर्न सकिन्छ । साताको र महिनाको ट्रेन्ड हेर्न सकिन्छ। पोर्टफोलियो सेग्मेन्ट पनि छ । लगानी अनुसारको मल्टिपल टाइप अफ पोर्टफोलियो हेर्न मिल्छ,’ ट्रान्जेक्सन बैंकिङ विभाग प्रमुख पौडेलले भने, ‘स्टक कम्प्यारिजन गर्न सकिन्छ । फन्डामेन्टल हेरेर सूचीकृत एउटै क्षेत्रका कम्पनीहरुको विश्लेषण गर्न सकिन्छ । सबै सूचकमा कम्यारिजन गरेर देखाइदिन्छ ।’
लगानीकर्तालाई यो सेयर किन्न उपयुक्त छ भनेर रिकमेन्ड नगर्ने र तर कम्पनीको तुलना गरेर वास्तविक पिक्चर देखाइदिने उनले जनाए ।

काठमाण्डौं । सानिमा रिलायन्स लाईफले सम्पत्ति शुद्धिकरण तथा आतंकवादी क्रियाकलापमा वित्तीय लगानी निवारण सहित
अपरेसनल प्रशिक्षण कार्यक्रम सम्पन्न गरेको छ। प्रदेश १ र २ मा कार्यरत कर्मचारीहरू सम्मिलित कार्यक्रम यहि
माघ ३ र ५ गते आयोजना गरिएको थियो। उक्त नियमित प्रशिक्षण कम्पनीको प्रमुख संचालन अधिकृत ज्ञान
रायमाझीका साथै अभिकर्ता विभाग प्रमुख विशाल श्रेष्ठ, ग्राहक सेवा विभाग प्रमुख ज्ञानेन्द्र देव भट्ट तथा दाबी
विभाग प्रमुख संजिव सिंहले प्रदान गरेका थिए।
प्रमुख संचालन अधिकृतले सम्पत्ति शुद्धिकरण तथा आतंकवादी क्रियाकलापमा वित्तीय संस्थाबाट हुनसक्ने समस्या
तथा त्यसका समाधानहरूको बारेमा प्रशिक्षण प्रदान गर्नुभएको थियो। प्रशिक्षणमा सम्पत्ति शुद्धिकरण तथा
आतंकवादी क्रियाकलापमा वित्तीय लगानी निवारण सम्बन्धी ऐन, नियमावली र निर्देशन बमोजिमको कार्य
प्रभावकारीरुपमा गर्न गराउन, आबश्यक नीति, कार्यविधि, नियन्त्रण प्रणाली, जनशक्ति, साधन श्रोत समेतको
समुचित व्यवस्था मिलाउने लगायत कर्मचारीहरुको काम कर्तव्य र अधिकार आदिको विषयमा छलफल गरिएको
थियो । कर्मचारीहरुको क्षमता र सीप अभिवृद्धि गर्दै बिमाको बदलिँदो परिवेशसँग आफूलाई अभ्यस्त गराउन
यस्तो खालको कार्यक्रमले सहयोगी भूमिका निर्वाह गर्ने कम्पनीले विश्वास लिएको छ । आफ्नो ग्राहकवर्गको
आवश्यकता पहिचान गरि उनीहरूलाई निष्पक्ष परामर्श आवश्यकता रहेको हुन्छ ।
साथै उपस्थित विभागीय प्रमुखहरुले कम्पनिमा अभिकर्ता र ग्राहकहरुलाई चुस्त दुरुस्त सेवा प्रदान गर्न अपनाउनु
पर्ने प्रक्रिया र तरिकाहरुको बारेमा केन्द्रित थियो । कर्मचारीहरुको वृद्धिविकासको लागि यस्तो किसिमको
कार्यक्रमहरु देशैभरिका शाखा तथा प्रादेशिक कार्यालयमा गरिने कम्पनीले जनाएको छ। यो संगै कम्पनीले
कार्यरत कर्मचारीलाई विदेशमा समेत लगेर विभिन्न किसिमका प्रशिक्षणहरू प्रदान गर्दै आएको छ।
हाल सानिमा रिलायन्स लाईफ इन्स्योरेन्सले देशभर १६९ शाखा सञ्जालमार्फत सेवा प्रदान गर्दै आएको छ।
कम्पनीको पूँजी ५ अर्ब रुपैयाँभन्दा बढी रहेको छ भने २० अर्ब रुपैयाँभन्दा बढीको लगानी भइसकेको छ। साथै,
२०,००० भन्दा बढी अभिकर्ताहरू कम्पनीमा कार्यरत रहेका छन्।

काठमाडौं । एनएमबि बैंक लिमिटेडले आफ्ना शेयरधनीहरूलाई लक्षित गरी अविमोच्य असञ्चिति अग्राधिकार शेयर बाँडफाँड गर्ने निर्णय गरेको छ। बैंकको सञ्चालक समितिको माघ १३ गते बसेको बैठकले यस निर्णयलाई अनुमोदन गरेको हो।
बैंकले प्रति शेयर १०० रुपैयाँ अंकित मूल्यमा कुल ३ करोड इकाई अर्थात् ३ अर्ब रुपैयाँ बराबरको अग्राधिकार शेयरजारी गर्नेछ।
उक्त सेयरमा वार्षिक ८.२५ प्रतिशत लाभांश दर कायम गरिएको छ।

काठमाडौं । ग्लोबल आइएमई बैंक लिमिटेडले आफ्ना ग्राहकहरुलाई सरल, सहज र अत्याधुनिक बैंकिङ्ग प्रदान गर्ने उद्देश्यले ग्राहक स्वयंले बैंकको शाखा कार्यालयमा रहेको किओस्क मेसिनबाट बैंक खाता खोल्न सक्ने सुविधा सार्वजनिक गरेको छ ।
बैंकले आफ्नो १९औं वार्षिककोत्सवको अवसर पारेर किओस्क मेसिनबाटै खाता खोल्न सकिने सुविधा ल्याएको हो ।
बैंकमा खाता खोल्नको लागि ग्राहकहरुले बैंकको काठमाडौंको कमलादीस्थित शाखा कार्यालयमा रहेको किओस्क मेसिनबाटै सहज रुपमा आफ्नो बैंक खाता खोल्न सक्नेछन् ।
यसरी खाता खोल्नेक्रममा सम्पूर्ण विवरणहरु किओस्क मेसिन मार्फ्त प्रदान गर्नुपर्नेछ । तत्पश्चात्, आवश्यक कागजातहरु प्रविष्ट गरी खाता नम्बर उपलब्ध गराइनेछ । हालका लागि यो सेवा बैंकको कमलादीमा रहेको डिजिटल युनिभर्सबाट मात्र उपलब्ध रहेको छ ।
यसअघि, बैंकले बैंकको कमलादीस्थित शाखामा रहेको डिजिटल युनिभर्स मार्फत मेसिनबाटै क्यास डिपोजिट र चेक डिपोजिट जस्ता सेवाहरु उपलब्ध गराइरहेको थियो ।
भविष्यमा यस्ता सेवालाई बैंकले अरु स्थानमा पनि विस्तार गर्दै जाने योजना राखेको छ ।
ग्लोबल आइएमई बैंक ख्यातिप्राप्त विभिन्न राष्ट्रिय तथा अन्तर्राष्ट्रिय संस्थाहरुबाट फरकफरक विधामा सम्मानित भएको छ । बैंकले बैंक अफ द इयर २०१४, बेष्ट इन्टरनेट बैंक २०१६, बेष्ट बैंक नेपाल २०२४ र २०२५, युरो मनी अवार्ड फर एक्सलेन्स २०२२, २०२४ र २०२५, बेष्ट बैंक ईएसजी नेपाल २०२४, बेष्ट इम्प्लोयर जस्ता प्रतिष्ठित अवार्डहरु प्राप्त गरिसकेको छ ।
ग्लोबल आइएमई बैंक देशका ७७ वटै जिल्लामा शाखा सञ्जाल भएको निजी क्षेत्रको पहिलो वाणिज्य बैंक हो ।
बैंकका ३५२ शाखा कार्यालय, ३८४ एटिएम, १५० शाखारहित बैंकिङ सेवा, ६८ एक्सटेन्सन तथा राजस्व संकलन काउन्टर र ३ वटा वैदेशिक प्रतिनिधि कार्यालयसहित १,००० भन्दा बढी सेवा केन्द्रमार्फत ग्राहकलाई उत्कृष्ट सेवा प्रदान गर्दै आएको छ ।
बैंकले रेमिट्यान्स सेवामार्फत नेपाली नागरिकहरूलाई विश्वभरबाट आर्थिक सेवा उपलब्ध गराउँदै आएको छ ।
अमेरिका, बेलायत, क्यानडा, अष्ट्रेलिया, मलेसिया, दक्षिण कोरिया, जापान, साउदी अरब, कतार, यूएई, बहराइन, कुवेत, भारत र जोर्डनजस्ता देशहरूबाट बैंकले रेमिट्यान्स सेवा संचालन गर्दै नेपालमा आर्थिक समृद्धिमा योगदान पु¥याउदै आएको छ ।