काठमाडौं । सिद्धार्थ बैंक र पेट मामा नेपाल प्रालिबीच बैंकका ग्राहकहरुलाई विभिन्न सेवामा छुट प्रदान गर्ने सम्बन्धी सम्झौता भएको छ ।
सम्झौता अनुसार बालुवाटार, काठमाडौं स्थित पेट मामा नेपालमा बैंकका ग्राहकहरूले बैंकको कुनै पनि कार्ड प्रयोग गरीे भुक्तानी गर्दा घर पालुवा जनावरहरुको गु्रमिङ, स्पा, भेट परामर्श तथा खोप सेवामा १० प्रतिशतसम्म छुट प्राप्त गर्न सक्ने छन् ।
यस सम्झौताले ग्राहकहरुलाई छुटको सुविधा उपलब्ध गराउनुका साथै नगद कारोबारबाट डिजिटल कारोबारमा जान पनि उत्प्रेरित गर्ने विश्वास बैंकले लिएको छ ।

काठमाडौँ । अटो बजारमा प्रतिस्पर्धा चुलिँदै जाँदा बैंकहरूबीच पनि कर्जा अफरमा आक्रामकता देखिन थालेको छ। यसैक्रममा नबिल बैंकले विद्युतीय तथा पेट्रोलियम दुवै प्रकारका प्यासेन्जर कार खरिदका लागि ५.९१ प्रतिशत वार्षिक ब्याजदरमा कर्जा उपलब्ध गराउने योजना सार्वजनिक गरेको छ।
बैंकले सार्वजनिक गरेको योजनाअनुसार ग्राहकले सवारी साधनको कुल मूल्यको अधिकतम ६० प्रतिशतसम्म कर्जा सुविधा लिन सक्नेछन्। बाँकी ४० प्रतिशत रकम भने डाउनपेमेन्टका रूपमा ग्राहकले स्वयं व्यवस्थापन गर्नुपर्नेछ। कर्जाको भुक्तानी अवधि बढीमा ७ वर्षसम्म रहने व्यवस्था गरिएको बैंकले जनाएको छ।

काठमाडौँ । कृषि विकास बैंक लिमिटेड ले नेपाली राष्ट्रिय महिला फुटबल टोलीकी कप्तान तथा आफ्नी ब्रान्ड एम्बेसडर सावित्रा भण्डारी (साम्बा) लाई घुँडाको जटिल शल्यक्रिया तथा पुनःस्थापनाका लागि १० लाख रुपैयाँ आर्थिक सहयोग प्रदान गरेको छ।
फुटबल खेल्ने क्रममा लागेको गम्भीर चोटका कारण शल्यक्रिया गर्नुपर्ने अवस्था आएपछि साम्बाले उपचार र लामो पुनःस्थापनाका लागि सार्वजनिक रूपमा आर्थिक सहयोगको अपिल गरेकी थिइन्। सोही अपिललाई सम्बोधन गर्दै बैंकले मंगलबार उक्त रकम हस्तान्तरण गरेको जानकारी दिएको हो।
बैंकका अनुसार राष्ट्रिय टोलीकी कप्तानसमेत रहेकी साम्बाको उपचार तथा पुनःस्थापनामा यो सहयोगले महत्वपूर्ण भूमिका खेल्ने विश्वास गरिएको छ। बैंकले उनको शीघ्र तथा पूर्ण स्वास्थ्यलाभको कामना गर्दै चाँडै नै नेपाली जर्सीमा मैदानमा फर्किएको देख्न पाइने अपेक्षा व्यक्त गरेको छ।

काठमाण्डौं । सामसङ इलेक्ट्रानिक्सले आफ्नो ग्यालेक्सी नवप्रवर्तनको अर्को अध्याय ग्यालेक्सी अनप्याक्ड कार्यक्रममा सार्वजनिक गर्न तयारी गरेको छ। यो अत्यन्त प्रतीक्षित कार्यक्रम २५ फेब्रुअरी २०२६ मा राति ११ः४५ बजे विश्वव्यापी प्रत्यक्ष प्रसारणमार्फत हेर्न सकिनेछ।
यस कार्यक्रममा ब्रान्डका चलायमान दूरसञ्चार प्रविधिमा भएका नवीनतम प्रगतिहरू प्रदर्शन गरिनेछन्, जसले प्रयोगकर्तालाई दैनिक जीवन सहज बनाउन तयार गरिएका बुद्धिमान कृत्रिम बौद्धिकतामा आधारित अनुभवहरूको नयाँ युग प्रस्तुत गर्नेछ।
ग्यालेक्सी अनप्याक्ड सधैं नवीनतम आविष्कारहरूको मञ्च रहँदै आएको छ, र यस वर्ष पनि यसले अत्याधुनिक बनावट, शक्तिशाली कार्यसम्पादन र स्मार्ट प्रणालीगत एकीकरणमार्फत आफ्नो परम्परालाई निरन्तरता दिने प्रतिबद्धता जनाएको छ।
आगामी सार्वजनिकरणबारे टिप्पणी गर्दै सामसङ चलायमान अनुभव विभागका निर्देशक प्रणय रत्न स्थापितले भने, “ग्यालेक्सी अनप्याक्डले हाम्रो अर्थपूर्ण नवप्रवर्तनप्रतिको प्रतिबद्धता झल्काउँछ, जसले दैनिक जीवनलाई अझ सहज बनाउँछ। यस सार्वजनिकरणमार्फत हामी यस्तो प्रविधि प्रस्तुत गर्न उत्साहित छौं, जुन केवल शक्तिशाली मात्र नभई प्रयोगकर्ताको आवश्यकतासँग बुद्धिमत्तापूर्वक अनुकूलन हुन्छ र उनीहरूको अनुभवलाई पहिलेभन्दा अझ सहज, आपसमा जोडिएको र व्यक्तिगत बनाउँछ ।”
प्रत्यक्ष प्रसारण हुने यो कार्यक्रम सम्पूर्ण नेपालभरका दर्शकले सहजै हेर्न सक्नेछन्, जसले ग्यालेक्सी नवप्रवर्तनको भविष्य प्रत्यक्ष रूपमा अवलोकन गर्ने अवसर प्रदान गर्नेछ।