काठमाडौं । एनएमबि बैंकको २९औँ वार्षिक साधारण सभा आज सम्पन्न भएको छ ।
संचालक समितिका अध्यक्ष, सञ्चालक र शेयरधनीहरुको उपस्थितिमा त्रिभुवन आर्मी अफिसर्स क्लब, टुँडिखेल, काठमाडौंमा साधारण सभा सम्पन्न भएको हो ।
बैंक सञ्चालक समितिका अध्यक्ष मनोजकुमार गोयलको सभापतित्वमा उक्त साधारण सभा सम्पन्न भएको हो । सो साधारण सभामा बैंकका शेयरधनीहरुले आ–आफ्नो विचार समेत ब्यक्त गरेका थिए ।
बैंकको २०८१ असारसम्ममा खुद नाफा रु. २ अर्ब २४ करोड, निक्षेप रु. २२७.१० अर्ब र कर्जा रु.२०४.६१ अर्ब रहेको छ ।
बैंकले देशभरी २०१ शाखा, १८७ एटिएम र ११ एक्सटेन्सन काउन्टरहरू मार्फत बैंकिङ्ग सेवा प्रदान गर्दै आइरहेको जनाएको छ ।
