काठमाण्डौं । खो खो विश्वकपमा नेपालको महिला टोली फाइनलमा पुगेको छ । नेपाली महिला राष्ट्रिय खो खो टोलीले शनिबार पहिलो सेमिफाइनलमा युगान्डालाई पराजित फाईनलमा पुगेको हो ।
भारतको नयाँ दिल्ली स्थित ईन्दिरा गान्थी ईन्डोर हलमा भएको खेलमा नेपालले युगान्डालाई ८९.१८ ले हरायो । नेपालले अब दक्षिण अफ्रिका र भारतबीच हुने दोस्रो सेमिफाइनल विजेतासँग उपाधिका लागि खेल्नेछ ।
नेपालको कुनै पनि टोली कुनै पनि खेलको विश्वकपमा फाइनलमा पुगेको पहिलो पटक हो ।
नेपालको महिला टोली अपराजित रहँदै फाईनल पुगेको हो । नेपाली टोलीले ६ खेल जित्दै फाइनल यात्रा तय गरेको हो । महिलातर्फ समूह सी मा रहेको नेपालले सबै चार खेल जित्दै समूह सी को विजेताको रूपमा क्वाटरफाइनलमा प्रवेश गरेको थियो ।
नेपालले पहिलो खेलमा भुटानलाई ९३.२४ ले, दोस्रो खेलमा जर्मनीलाई ७३.३४ ले, तेस्रो खेलमा श्रीलंकालाई ११०.१० ले र चौथो खेलमा बंगलादेशलाई ८४.२४ ले पराजित गरेको थियो ।
क्वाटरफाइनलमा इरानलाई १०३.८ अंकको अन्तरले हराउँदै नेपाल सेमिफाइनलमा पुगेको थियो ।
