काठमाण्डौं । सर्वोच्च अदालतले ‘जनयुद्ध’ दिवसको नाममा सार्वजनिक बिदा नदिन अन्तरिम आदेश दिएको छ ।
रुकुमपश्चिमको बाफिकोट गाउँपालिकाले फागुन १ गते दिएको ‘जनयुद्ध’ दिवसको सार्वजनिक बिदाविरुद्ध परेको रिटमाथि सुनुवाइ गर्दै अदालतले अन्तरिम आदेश दिएको हो ।
स्थानीय वासिन्दा चन्द्रशेखर केसीले मंगलबार सर्वोच्च अदालतमा दायर गरेको रिटमाथि बुधबार सुनुवाइ गर्दै न्यायाधीश नित्यानन्द पाण्डेयको एकल इजलासले सार्वजनिक बिदा दिने निर्णय कार्यान्वयन नगर्न आदेश दिएको छ ।
सार्वजनिक बिदा नदिन र नियमित रूपमा सरकारी कार्यालय सञ्चालन गर्न अन्तरिम आदेश आएको रिट निवेदक केसीले जनाए ।
