काठमाडौैँ । नेपाल दूरसञ्चार कम्पनी लिमिटेड (नेपाल टेलिकम) ले चालु आर्थिक वर्षको दोस्रो त्रैमाससम्मको वित्तीय विवरण सार्वजनिक गरेको छ । विवरण अनुसार कम्पनीले यस अवधिमा २ अर्ब ६३ करोड रुपैयाँ खुद नाफा कमाएको हो । उक्त नाफा गत वर्षको सोहि अवधिको तुलनामा तुलनामा ३३ प्रतिशतले कम हो । गत वर्ष सोहि अवधिमा कम्पनीले ३ अर्ब ९३ करोड रुपैयाँ नाफा कमाएको थियो ।
गत वर्ष १७ अर्ब २४ करोड रुपैयाँ सञ्चालन आम्दानी गरेको कम्पनीको अहिले घटेर १७ अर्ब ४९ करोड रुपैयाँ कायम भएको छ । उक्त आम्दानी १.४६ प्रतिशतले घटेको हो ।
यता, कम्पनीको वित्तीय आम्दानी पनि ३ अर्ब ६१ करोडबाट घटेर २ अर्ब ३० करोड रुपैयाँमा झरेको छ । कम्पनीको वित्तीय आम्दानी ३६ प्रतिशतले घटेको हो । टेलिकमको अन्य श्रोतबाट हुने आम्दानी भने २१ करोडबाट बढेर ४४ करोड ६५ लाख रुपैयाँ पुगेको छ ।
हाल यसको चुक्ता पुँजी १८ अर्ब रुपैयाँ रहेको छ भने रिजर्भ कोषमा ७३ अर्ब १४ करोड रुपैयाँ रहेको छ ।
पुष मसान्तसम्म आइपुग्दा कम्पनीको प्रतिसेयर आम्दानी अहिले घटेर २९.२८ रुपैयाँ कायम भएको छ । यसको प्रतिसेयर नेटवर्थ भने ५०६.३४ रुपैयाँ रहेको छ ।
