काठमाडौं । रिलायबल नेपाल लाइफ इन्स्योरेन्स लिमिटेडले १२.६३ प्रतिशत लाभांश घोषणा गरेको छ ।
सञ्चालक समितिको हिजो साँझ बसेको बैठकले आव २०८०–८१ को नाफाबाट हाल कायम चुक्ता पूँजीको १२ प्रतिशत बोनस शेयर र कर प्रयोजनका लागि ०.६३१५ प्रतिशत नगद लाभांश प्रस्ताव गर्ने निर्णय गरेको कम्पनी सचिव माधव पोख्रेलले जनाएका छन् ।
कम्पनीको हाल कायम चुक्ता पूँजी ४ अर्ब ६४ करोड रुपियाँ छ ।
सञ्चालक समितिले प्रस्ताव गरेको लाभांश बीमा प्राधिरकणबाट स्वीकृति र आगामी साधारण सभाले पारित गरेपछि शेयरधनीहरुले पाउने छन् ।
