काठमाडौं । नेशनल लाइफ इन्स्योरेन्स कम्पनीको ३७औं वार्षिक साधारण सभाले संस्थापक र सर्वसाधारण समुहका पाँच जना सञ्चालकलाई निर्विरोध निर्वाचित गरेको छ ।
सभाले संस्थापक समुहबाट कुशल मल्ली, पवन बहादुर पाडे र प्रेमा राज्य लक्ष्मी सिंह निर्विरोध निर्वाचित गरेको छ । निर्वाचित सञ्चालकहरुमध्ये प्रेमा राज्य लक्ष्मी सिंह हाल कम्पनी सञ्चालक समितिकी अध्यक्ष रहेकी छिन् । उनको नेतृत्वमा नेशनल लाइफले उल्लेख्य प्रगति गर्न सफल भएको छ ।
त्यस्तै, सभाले सर्वसाधारण समुहबाट भवानी राणा र कुलदिप शरण सिंह सञ्चालक पदमा निर्विरोध निर्वाचित भएका छन् । हाल रहेको समितिमा समेत सञ्चालकको भूमिकामा रहेर उनीहरुले कम्पनीको प्रगतिमा महत्वपूर्ण भुमिका निर्वाह गर्दै आएका छन् ।
सभाले संस्थापक समूह ‘क वर्ग’ बाट ३ जना र सर्वसाधारण लगानीकर्ता ‘समूह ख’ बाट २ जना सञ्चालकको निर्वाचन प्रस्ताव बमोजिम कुल पाँच जना निर्विरोध निर्वाचित गरेको हो ।
