काठमाडौं । सिद्धार्थ बैंक लिमिटेडले तीन जना संस्थापक शेयरधनीको नाममा रहेको कुल ३३ सय ९३ हजार कित्ता संस्थापक शेयर बिक्रीमा ल्याएको छ ।
बैंकको यो शेयर हाल कायम विद्यमान संस्थापक शेयरधनीले मात्रै खरिद गर्न पाउनेछन् ।
शेयर खरिद गर्न इच्छुक लगानीकर्ताले आवश्यक कागजातसहित आफूले खरिद गर्न चाहेको शेयर संख्याको व्यहोरा खुलाई ३५ दिनभित्र बैंकको केन्द्रीय कार्यालय नक्साल, काठमाडौंस्थित कम्पनी सचिवको कार्यालयमा निवेदन दिनुपर्नेछ ।
साथै, तोकिएको समयभित्र संस्थापक शेयरधनीबाट आवेदन प्राप्त नभएमा उक्त शेयर गैरसंस्थापक व्यक्तिमा बिक्री गरिने बैंकले जनाएको छ ।
