काठमडौं । एक हजार रुपियाँका ४३ करोड थान नोट छाप्ने जिम्मा चिनियाँ कम्पनी चाइना बैंकनोट प्रिन्टिङ एन्ड मिन्टिङ कर्पोरेसनले पाएको छ ।
राष्ट्र बैंकको आजको पत्र अनुसार १ करोड ६९ लाख ८५ हजार अमेरिकी डलरमा उक्त नोट डिजाइन, प्रिन्टिङ, सप्लाई र डेलिभरी गर्नेगरी चिनियाँ कम्पनीलाई ठेक्का दिइएको हो ।
यसअघि ५ रूपियाँ, १० रूपियाँ, ५० रूपियाँ १०० रूपियाँ र ५०० रूपियाँ दरका नेपाली नोट छाप्ने जिम्मा पनि चिनियाँ कम्पनीलाई दिइएको राष्ट्र बैंकले उल्लेख गरेको छ ।
