काठमाडौं । रिज लाइन इनर्जी लिमिटेडले २६ करोड ७ लाख रुपियाँको आईपीओ निष्काशनका लागि नेपाल धितोपत्र बोर्डबाट अनुमति पाएको छ ।
उक्त कम्पनीलाई आज बोर्डले २६ लाख ७ हजार कित्ता शेयर निष्काशन गर्ने अनुमति दिएको बिक्री प्रबन्धक प्रभु क्यापिटलले जनाएको छ ।
गोरखा र लमजुङमा ९.०५० मेगावाट क्षमताको सुपर चेपे खोला जलविद्युत आयोजना निर्माण सम्पन्न गरि २०८० माघदेखि व्यापारिक उत्पादन गरिरहेको कम्पनीले ११ मेगावाटको दुधपोखरी चेपे जलविद्युत आयोजनामा पनि लगानी गरेको बिक्री प्रबन्धकले उल्लेख गरेको छ ।
