काठमाडौं । शेयर बजार दोहोरो अंकले घटेको छ । बजार घटेसँगै कारोबार रकम पनि ४ अर्बमा समेटिएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार १२.५० अंक तल झरेको हो । ०.४७ प्रतिशतले बजार घट्दा नेप्से परिसूचक २५९४.८७ अंकमा ओर्लिएको छ ।
समग्रमा बजार घटे पनि बैंकिङ र म्यचुअल फण्डमा हरियाली छाउँदा बाँकी अरु सबै राताम्मे भएका छन् ।
आज ३३० कम्पनीका १ करोड १२ लाख ७२ हजार १ सय ६८ कित्ता शेयर किनबेच हुँदा ४ अर्ब ७४ लाख ५५ हजार ७७ रुपियाँको शेयर किनबेच भएको छ ।
स्वस्तिक लघुवित्त र एसवाई प्यानका लगानीकर्ताहरुले क्रमशः १० र ९.९८ प्रतिशतले नाफा कमाएका छन् ।
त्यस्तै सिटी होटल लिमिटेडका लगानीकर्ताहरुले सबैभन्दा बढी ६.२६ प्रतिशतले घाटा व्यहोरेका छन् ।
आज कुमारी बैंकको संस्थापक शेयर सबैभन्दा बढी किनबेच भएको छ । उक्त बैंकको २६ करोड १८ लाख ५५ हजार ९ सय ३० रुपियाँ बराबरको संस्थापक शेयर किनबेच भएको नेप्सले जनाएको छ ।
