काठमाडौं । महालक्ष्मी विकास बैंकका नवनियुक्त अध्यक्ष राजेश उपाध्यायले पद तथा गोपनीयताको सपथ ग्रहण गरेका छन् । बैंकको हालै सम्पन्न २४ औं वार्षिक साधारण सभाबाट नवनिर्वाचित सञ्चालक समितिले उपाध्यायलाई पुनः अध्यक्ष चयन गरेको थियो ।
बैंक तथा वित्तीय संस्था सम्बन्धी ऐन २०७३ को दफा १२७ को प्रावधान बमोजिम बुधबार उपाध्यायले डेपुटी गभर्नर बम बहादुर मिश्रबाट सपथ लिएका हुन् । यसअघि पुस २१ गते सम्पन्न बैंकको २४ औं वार्षिक साधारण सभाले सञ्चालक समितिले प्रस्ताव गरे बमोजिम सेयरधनीहरूलाई १०।३७ प्रतिशत लाभांश वितरण गर्ने प्रस्ताव समेत सर्वसम्मतिले अनुमोदन गरेको थियो ।
