काठमाडौं । शेयर बजार उच्च अंकले बढेसँगै कारोबार रकम पनि पौने १४ अर्ब नाघेको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ५७.५५ अंकले बढेको हो । २.१२ प्रतिशतले बजार बढ्दा नेप्से परिसूचक २७७२.१७ अंकमा उक्लिएको छ ।
बजार उचालिएसँगै आज सबै समूहमा हरियाली छाएको छ । होटल समूह सबैभन्दा बढी ३.३५ प्रतिशतले बढेको हो ।
आज ३३१ कम्पनीका ३ करोड ९ लाख १५ हजार १ सय ८३ कित्ता शेयर किनबेच हुँदा १३ अर्ब ७८ करोड ५७ लाख २९ हजार ६ सय ४५.०५ रुपियाँ बराबरको कारोबार भएको भएको छ ।
आज विभिन्न १३ कम्पनीका लगानीकर्ताहरुले ९ प्रतिशत बढी नाफा कमाएका छन् । एसवाई प्यानल, श्रीनगर एग्रिटेक, नेपाल माइक्रो इन्स्योरेन्स, बन्दीपुर केबलकार, हिमस्टार उर्जा, माबिलुङ इनर्जी, रिलायन्स फाइनान्स र आँखुखोला जलविद्युत कम्पनीका लगानीकर्ताहरुले १०–१० प्रतिशत नाफा कमाएका छन् ।
त्रिशुली जलविद्युत, क्रेस्ट माइक्रोलाईफ इन्स्योरेन्स, नेपाल वायरहाउजिङ, बरुण हाइड्रो र स्वस्तिक लघुवित्तका लगानीकर्ताहरुले क्रमशः ९.९८, ९.९३, ९.८४, ९.६५ र ९ प्रतिशत नाफा कमाएका छन् ।
एभरेष्ट बैंकको ऋणपत्र २०८५ का लगानीकर्ताहरुले सबैभन्दा बढी ५.८० प्रतिशतले घाटा व्यहोरेका छन् ।
आज आँखु खोला जलविद्युत्को उच्च कारोबार भएको छ । उक्त कम्पनीको ४३ करोड ५९ लाख ३३ हजार १ सय ६२.६० रुपियाँ बराबरको शेयर किनबेच भएको छ ।
