काठमाडौं । प्रभु बैंकको सीईओमा सुमन शर्मा नियुक्त भएका छन् ।
बैंकका सीईओ अशोक शेरचनले दिएको राजीनामा स्वीकृत गर्दै आज बसेको सञ्चालक समितिको बैठकले शर्मालाई आजैदेखि लागू हुने गरी ४ वर्षका लागि सीईओ नियुक्त गर्ने निर्णय गरेको कम्पनी सचिव अमित भण्डारीले जनाएका छन् ।
बैंकिङ क्षेत्रमा लामो अनुभव हासिल गरेका शर्मा यसअघि सनराइज बैंक र माछापुच्छ्रे बैंकको सीईओ थिए । उनले ग्लोबल आइएमई बैंकमा डिपुटी सीईओ भएर पनि काम गरेका थिए ।
