काठमाडौं । सूर्यकुण्ड हाइड्रो इलेक्ट्रिक लिमिटेडले माघ १८ गतेदेखि आज २१ गतेसम्म निष्काशन गरेको आईपीओमा २५ लाख २१ हजार २ सय १० जनाको आवेदन पवरेको छ ।
बिक्री प्रबन्धकमा कुमारी क्यापिटलका अनुसार कम्पनीले ५ लाख ७२ हजार ४ सय ३१ कित्ताको लागि आवेदन माग गरेकोमा २ करोड ८७ लाख ८८ हजार ९ सय ४० कित्ता शेयरको लागि आवेदन परेको हो ।
दोस्रो चरणअन्तर्गत कम्पनीले प्रतिकित्ता १०० रुपियाँ अंकित मूल्यका कुल पाँच लाख ७२ हजार ४३१ कित्ता सेयर निष्काशन गरेको थियो ।
उक्त शेयर ५७ हजार २ सय ४२ जनाले १०–१० कित्ता र बाँकी १ जनाले ११ कित्ताका दरले पाउने छन् ।
सूर्यकुण्ड हाइड्रो इलेक्ट्रिकले ११ मेगावाट क्षमताको माथिल्लो तादी खोला जलविद्युत आयोजना सञ्चालन गरिरहेको छ । उक्त आयोजनाको कुल लागत २ अर्ब ३६ करोड ८४ लाख ४० हजार रुपैयाँ रहेको छ भने प्रतिमेगावाट लागत करिब २१ करोड ५३ लाख रुपियाँ रहेको छ।
