काठमाडौं । केही दिनयता विभिन्न सामाजिक सञ्जाल तथा केहि सञ्चार माध्यममा नबिल बैंकले ग्राहकको गोपनीयता भंग गरी ग्राहकको कारोबारसम्बन्धी जानकारी चुहावट गरेको भन्ने समाचार आधारहीन तथा प्रमाणविहीन भएको जनाइएको छ ।
बैंकले आज विज्ञप्ति प्रकाशित गरी यस्तो समाचार प्रति गम्भीर ध्यानाकर्षण भएको उल्लेख गरेको छ ।
‘यस्ता भ्रामक सूचनाले जनमानसमा बैंकिङ सेवाप्रतिको विश्वासलाई प्रभावित पार्ने प्रयास गरेको देखिएकाले बैंक यस किसिमको भ्रमपूर्ण तथा प्रमाणविहीन सम्प्रेषणको स्पष्ट रूपमा खण्डन गर्दछ ।’, विज्ञप्तिमा उल्लेख छ ।
