काठमाण्डौं । सरकारले भक्तपुरको मनोहरा खोला किनारस्थित सुकुम्वासी बस्तीमा डोजर चलाएको छ । सरकारले भक्तपुरको मनोहरा खोला किनारमा बनाइएको अनधिकृत संरचनामाथि आइतबार बिहान डोजर चलाएको हो ।
काठमाण्डौं महानगरपालिकाको डोजरसहितको टोलीले घरटहरा भत्काउन सुरु गरेको हो ।
शनिबार साँझ नै भत्काउन थालेको बस्ती स्थानीयको अवरोधका कारण रोकिएका थियो । हिजो २२ सुरक्षाकर्मी घाइतेसमेत भएका थिए । आज थप सुरक्षा सतर्कतासहित घरटहराहरु भत्काउन थालिएको हो । उपत्यकाका ३ वटै जिल्लाका प्रहरीलाई यस क्षेत्रमा परिचालन गरिएको छ ।
यस बस्तीमा ७ सय ७७ घरटहरा छन् । यसअघि शनिबार साँझ पनि यहाँ सात वटा ठूला पक्की घर भत्काइएका थिए ।
सरकारले शनिबार काठमाण्डौं महानगरपालिकाको थापाथली, गैरीगाउँ र शान्तिनगरका नदी किनार तथा जोखिमपूर्ण सार्वजनिक र सरकारी जग्गामा बनाइएका संरचना भत्काएको थियो ।
