काठमाडौं । राष्ट्र बैंकले ७ अर्ब रुपियाँ बैंक तथा वित्तीय संस्थाहरुमा लगानी गर्ने भएको छ ।
राष्ट्र बैंकको उपदान तथा पेन्सन कोषमा रहेको उक्त रकम ३६६ दिनको मुद्दती निक्षेपका रुपमा लगानी गर्न लागिएको हो ।
उक्त रकम लिन इच्छुक बैंक तथा वित्तीय संस्थाहरुलाई लिन चाहेको रकम र ब्याजदर प्रस्ताव गर्दै यही जेठ ६ गतेसम्म आवेदन दिनु पर्ने राष्ट्र बैंकले उल्लेख गरेको छ ।
राष्ट्र बैंकका अनुसार वाणिज्य बैंकहरुमा ५ अर्ब ६० करोड, विकास बैंकहरुमा १ अर्ब ५ करोड र राष्ट्रिय स्तरका वित्त कम्पनीमा ३५ करोड रुपियाँ लगानी गर्न लागिएको हो ।
