काठमाडौं । कृषि बिकास बैंक संचालक समितिको अध्यक्ष पदमा टंकप्रसाद पाण्डेय नियूक्ति भएका छन् । नवनियूक्त अध्यक्ष पाण्डेले निजामति सेवामा २५ वर्ष देखि कार्यरत रही महत्वपूर्ण अनुभव प्राप्त गरेका छन् ।
पाण्डेयसंग आर्थिक क्षेत्र लगायत विभिन्न निकायमा कार्य गरेको अनुभव समेत रहेको छ । बैंक तथा वित्तीय संस्था सम्बन्धी ऐन अनुसार नवनियूक्त बैंक अध्यक्ष पाण्डेलाई नेपाल राष्ट्र बैंकका गर्भनर डा. विश्वनाथ पौडेल सपथ ग्रहण गराएका छन् ।
उक्त अवसरमा नेपाल राष्ट्र बैंकका डिपुटी गर्भनर किरण पण्डित, कार्यकारी निर्देशकहरु क्रमशः रामु पौडेल, गुरुप्रसाद पौडेल, दीर्घबहादुर रावल, मुक्तीनाथ सापकोटा, निर्देशक मिरा ताल्चाभडेल, नेपाल राष्ट्र बैंकका बोर्ड सचिव शरणकुमार अधिकारी, कृषि विकास बैंकका बैंकका प्रमुख कार्यकारी अधिकृत गोविन्द गुरुङ, कम्पनी सचिव तथा प्रवक्ता हिमलाल पौडेल समेतको उपस्थित रहेको थियो ।
