बागलुङ । प्रभु बैंकका प्रमुख कार्यकारी अधिकृत (सीईओ) अशोक शेरचन गृहजिल्ला बागलुङमा सम्मानित भएका छन् । बुधबार सातौं बागलुङ महोत्सवमा सिइओ शेरचनलाई राष्ट्रपति रामचन्द्र पौडेलले सम्मानित गरेका हुन् ।
कार्यक्रममा राष्ट्रपति पौडेलले सिइओ शेरचनलाई सम्मानपत्र प्रदान गरे । प्रभु बैंकको प्रमुख कार्यकारी अधिकृतको रूपमा सफल नेतृत्व गरी बैंकिङ क्षेत्रबाट देशको आर्थिक विकासमा महत्त्वपूर्ण योगदान दिएको भन्दै सीईओ शेरचनलाई सम्मान गरिएको हो ।
बागलुङमा जन्मिएका शेरचन यतिखेर सक्षम र सबल बैंकरको रुपमा स्थापित छन् । बैंकिङ क्षेत्रमा शेरचनको २८ वर्षको अनुभव छ । शेरचनको नेतृत्वमा रहेको प्रभु बैंकले केहीसमय अघि मात्रै ‘बैंक अफ दि इयर २०२३’ को उपाधि प्राप्त गरेको थियो ।