काठमाण्डौ । ललितपुरको बालकुमारीमा शुक्रबार प्रहरीको गोली लागेर मृत्यु भएका २ युवकका परिवारलाई सरकारले १०, १० लाख रुपैयाँ राहत दिने भएको छ ।
शनिबार काठमाण्डौमा आयोजित कार्यक्रममा प्रधानमन्त्री पुष्पकमल दाहाल ‘प्रचण्ड’ले मृतक परिवारलाई राहत दिने निर्णय गर्न आजै मन्त्रिपरिषद् बैठक बस्न लागेको जानकारी दिए ।
प्रधानमन्त्री प्रचण्डले घटनाबारे बिहान गठबन्धन दल, सरकारका मन्त्री र सुरक्षा निकायका प्रमुखसँग छलफल गरेका थिए ।
पानीजहाज निर्माणको कामका लागि कोरियाली भाषा परीक्षा दिएर अनुत्तीर्ण भएका युवाले उत्पादनमूलक कामका लागि हुने भाषा परीक्षामा सहभागी हुन पाउनुपर्ने माग गर्दै गरेको प्रदर्शनका क्रममा शुक्रबार प्रहरीले गोली चलाउँदा २ जनाको मृत्यु भएको थियो ।
