काठमाडौं । चालू आर्थिक वर्षको दोस्रो त्रैमाससम्ममा हिमालयन एभरेष्ट इन्स्योरेन्सको खुद नाफासँगै प्रतिसेयर आम्दानी पनि बढेको छ । समीक्षा अवधिमा कम्पनीको खुद नाफा ६३.७३ प्रतिशतले बढेर १८ करोड ४३ लाख ४९ हजार रुपियाँ पुगेको छ । गत आवको सोही अवधिमा यस्तो नाफा ११ करोड २५ लाख ९५ हजार रुपियाँ थियो ।
त्यस्तै, खुद बीमाशुल्क आर्जन २७.५२ प्रतिशतले बढेर ४६ करोड ९९ लाख १८ हजार रुपियाँ पुगेको छ । गत आवमा कम्पनीले ३६ करोड ६४ लाख ९९ हजार रुपियाँ खुद बीमाशुल्क आर्जन गरेको थियो ।
पुस मसान्तसम्म कर्जा लगानीबाट हुने आम्दानी २.९१ प्रतिशतले बढेर १८ करोड १३ लाख ६६ हजार रुपियाँ पुगेको छ भने कमिसन आम्दानी १३.१३ प्रतिशतले घटेर १५ करोड १६ लाख १५ हजार रुपियाँमा सीमित भएको छ ।
चुक्ता पुँजी २ अर्ब ३० करोड १५ लाख ३५ हजार रुपियाँ रहेको कम्पनीको प्रतिशेयर आम्दानी ६.२४ रुपियाँले बढेर १६.०२ रुपियाँ पुगेको छ भने प्रतिसेयर नेटवर्थ १९४.८५ रुपियाँ छ ।
