काठमाडौं । रिलायबल नेपाल लाइफ इन्स्योरेन्स लिमिटेडले १६.८४ प्रतिशत लाभांश घोषणा गरेको छ ।
सञ्चालक समितिको हिजो बसेको बैठकले आव २०७९, ८० को नाफाबाट १६ प्रतिशत बोनस शेयर र कर प्रयोजनका लागि ०.८४ प्रतिशत नगद लाभांश प्रस्ताव गर्ने निर्णय गरेको कम्पनी सचिव नारायणहरि अधिकारीले जनाएका छन् ।
कम्पनीको हाल कायम चुक्ता पूँजी ४ अर्ब छ । सञ्चालक समितिले प्रस्ताव गरेको लाभांश बीमा प्राधिकरणबाट स्वीकृति र आगामी साधारण सभाले पारित गरेपछि शेयरधनीहरुले पाउने छन् ।

काठमाडौं । हिमालयन एभरेष्ट इन्स्योरेन्स लिमिटेडले १५ प्रतिशत लाभांश घोषणा गरेको छ ।
सञ्चालक समितिको आज बिहान बसेको बैठलके आव २०७९÷८० को नाफाबाट ८.६३ प्रतिशत बोनस शेयर र ६.३७ प्रतिशत नगद लाभांश (करसमेत) प्रस्तावन गर्ने निर्णय गरेको हो ।
कम्पनीको हाल कायम चुक्ता पूँजी २ अर्ब ३० करोड १५ लाख ३५ हजार रुपियाँ छ ।
सञ्चालक समितिले प्रस्ताव गरेको लाभांश बीमा प्राधिकरणबाट स्वीकृति र आगामी साधारण सभाले पारित गरे पछि शेयरधनीहरुले पाउने नायब महाप्रबन्धक ध्रुवप्रसाद न्यौपानेले जानकारी दिएका छन् ।

काठमाडौं । ग्लोबल आइएमई बैंकले ग्लोबल रेमिटमार्फत विदेशबाट पैसा पठाउँदा २५० रुपियाँसम्म क्यासब्याक पाइने नयाँ योजना सार्वजनिक गरेको छ ।
पैसा आउने, थपेर पाउने नारा सहित सार्वजनिक गरेको क्यासब्याक योजनामा ग्लोबल रेमिटमार्फत विदेशबाट ग्लोबल आइएमई बैंकमा रहेको खातामा पैसा पठाउँदा २५० रुपियाँसम्मको क्यासब्याक पाइनेछ ।
बैंकले रेमिट्यान्स कारोबारलाई प्रवद्र्धन गर्ने उद्देश्यका साथ ग्लोबल रेमिटमार्फत विदेशबाट पैसा पठाउने व्यक्तिले यस क्यासब्याक योजनाअन्तर्गत २५,००० रुपियाँँसम्म पैसा पठाउँदा १०० रुपियाँ, त्यसैगरी ५०,०० रुपियाँसम्म पैसा पठाउँदा २०० रुपियाँ र ५०,०० रुपियाँभन्दा बढि पैसा पठाउँदा २५० रुपियाँ क्यासब्याक प्राप्त गर्नेछन् ।
यो योजना जनवरी ३१, २०२४ सम्म लागू रहनेछ ।
साथै ग्लोबल आइएमई बैैकमा नयाँ खाता खोलेर वा निष्क्रिय खातालाई पूनः सक्रिय बनाएर उक्त खातामा ग्लोबल रेमिटमार्फत पैसा पठाउँदा बैंकले रेमिट्यान्समार्फत आएको पैसामा २५० रुपियाँसम्म थप गरिदिनेछ ।
बैंकले देशका ७७ वटै जिल्ला तथा तीन अन्तर्राष्ट्रिय सम्पर्क वैदेशिक प्रतिनिधि कार्यालय सहित १,१०० भन्दा बढी सेवा केन्द्रबाट बैंकिङ्ग सेवा प्रदान गर्दै आएको जनाएको छ ।

काठमाडौं । कुमारी बैंकले माघ २८ गते २३औं वार्षिक साधारण सभा बोलाएको छ ।
सञ्चालक समितिको हिजो बसेको बैठकले साधारण सभाको मिति तोकेको हो । यसवर्ष साधारण सभामा लाभांश प्रस्ताव गरिने छैन ।
साधारण सभा प्रयोजनका लागि माघ ९ गते बुक क्लोज गर्ने निर्णय भएको कम्पनीले जानकारी दिएको छ ।

काठमाण्डौ । एनआईसी एशियाले बैंकले ब्याजदर घटाएको छ । बैँकले एक सूचनामार्फत नयाँ ब्याजदर प्रकाशित गर्दै माघ महिनाका लागि ब्याजदर घटाएको हो ।
पुसमा ८.६७ प्रतिशत रहेको बैंकको व्यक्तिगत निक्षेपको अधिकतम ब्याजदर, माघ महिनादेखि ८.०६५ प्रतिशतमा झर्ने भएको छ । बैंकले आफ्नो ब्याजदर ०.६०५ प्रतिशत बिन्दु घटाएको हो । घटाएको ब्याजदर माघ १ गतेदेखि लागू हुने जनाईएको छ ।
त्यसैगरी, संस्थागत निक्षेपमा बैंकको अधिकतम ब्याजदर ६.०६५ प्रतिशत छ । पुस महिनामा यस्तो ब्याजदर ६.६७ प्रतिशत रहेको थियो ।