काठमाडौँ । सिटिजन्स बैंक इन्टरनेसनल लिमिटेडले संस्थागत सामाजिक उत्तरदायीत्व कार्यक्रम अन्तर्गत मधेश प्रदेश धनुषा जिल्लाको जनकपुरधाम गाउँपालिका ४ अवस्थित श्री संकट मोचन देवसरन रामरती माध्यमिक विद्यालयलाई पंखाहरु सहयोग प्रदान गरेकोे छ । यस विद्यालयमा करिब १००० बालबालिकाहरु अध्ययन गर्दै आइरहेका छन् र अध्ययनरत विद्यार्थीहरुको पठनपाठनमा सहजता होस भन्ने हेतुले बैंकले सो सहयोग प्रदान गरेको हो ।
विद्यालयमा आयोजित एक समारोहका बीच बैंकका प्रमुख कार्यकारी अधिकृत गणेश राज पोखरेलले सहयोग स्वरुप पंखाहरु हस्तान्तरण गरेका हुन् । समारोहलाई सम्बोधन गर्दै प्रमुख कार्यकारी अधिकृत पोखरेलले बैंकको यो सानो सहयोगले विद्यार्थीहरु लाभान्वित हुने विश्वास व्यक्त गरे । विद्यालयमा अध्ययनरत विद्यार्थीहरुलाई सहयोग प्रदान गर्न पाँउदा आफू हर्षित भएको पनि जनाए। आगामी दिनमा पनि बैंकले संस्थागत सामाजिक उत्तरदायीत्व कार्यक्रम अन्तर्गत सामाजिक, आर्थिक, सांस्कृतिक, शैक्षिक आदि जस्ता क्षेत्रमा सकारात्मक परिवर्तन ल्याउनका निम्ति विभिन्न कार्यक्रम संचालन गर्ने योजना रहेको विषय जानकारी गराएको छ ।
विश्वकै प्रतिष्ठित अवार्ड ‘बैंक अफ द ईयर २०२४’ को उपाधि प्राप्त गर्न सफल भएको बैंकले केही समय अघि मात्र फोनपेसँगको सहकार्यमा नेपालमै पहिलो पटक ‘सिटिजन्स फोनपे क्रेडिट कार्ड’ (भर्चुअल क्रेडिट कार्ड) सञ्चालनमा ल्याएको छ साथै नेपालमै पहिलो पटक मोबाइल बैंकिङ एप मार्फत नै शेयर आवेदन र सिआरएन नम्बर सेवा लिन सकिने सुबिधा पनि ल्याएको छ ।
सिटिजन्स बैंक इन्टरनेसनल लिमिटेडले देशैभरी ६१ जिल्लामा फैलिएका आफ्ना २०० वटा शाखा, १६८ वटा ए.टि.एम., ३ विस्तारित काउन्टर र ७४ वटा शाखा रहित बैंकिङ्ग ईकाइहरुबाट १८ लाख ८८ हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।

काठमाडौं । स्वावलम्बन लघुवित्त वित्तीय संस्था लिमिटेडले ८४ हजार ६५ कित्ता संस्थापक शेयर बिक्रीमा ल्याएको छ ।
लघुवित्तले संस्थापक शेयरधनीको नाममा रहेको उक्त शेयर बिक्रीमा ल्याएको हो । यो शेयर लघुवित्तकै कायम संस्थापक शेयरधनीले मात्रै खरिद गर्न पाउनेछन् ।
प्रतिकित्ता ४२५ रूपियाँ तोकिएको उक्त शेयर खरिद गर्न इच्छुक शेयरधनीले ३५ दिनभित्र आवश्यक कागजातसहित लघुवित्तको केन्द्रीय कार्यालय कमलपोखरी, काठमाडौंमा आफूले खरिद गर्ने शेयर कित्ता र सोको मूल्य खुलाई निवेदन दिनुपर्नेछ ।
साथै तोकिएको समयभित्र संस्थापक शेयरधनीबाट खदिर आवेदन नपरेमा उक्त शेयर अन्य व्यक्ति वा संघसंस्थालाई बिक्री गर्ने प्रक्रिया अघि बढाइने लघुवित्तले जनाएको छ ।

काठमाडौं । स्थानीय बजारमा सुनको भाउ आज तोलामा ३५ सय रुपियाँले घट्न पुगेको छ । अघिल्लो दिन प्रतितोला एक लाख ८५ हजार ३ सय रुपियाँमा कारोबार भएको छापावाला सुनको मूल्य आज ३५ सय रुपियाँले घट्दै एक लाख ८१ हजार ८ सय रुपियाँ कायम भएको हो ।
जेठ महिनाको सुरुवाती दिनमानै सुनको मूल्यमा भारी गिरावट भएको नेपाल सुनचाँदी व्यवसायी महासंघले जनाएको छ ।
यता चाँदीको मूल्य पनि आज तोलामा ३५ रुपियाँले घट्दै एक हजार ९२५ रुपियाँमा झरेको महासंघले जनाएको छ । अघिल्लो दिन चाँदी प्रतितोला एक हजार ९६० रुपियाँमा कारोबार भएको थियो ।

काठमाडौं । सेयर बजारमा ८.४१ अंकको गिरावट आएको छ । साताको कारोबारको अन्तिम दिन बिहीबार सेयर बजार सूचक नेपाल स्टक एक्सचेञ्ज (नेप्से) ८.४१ अंकले घटेर २६११.८५ विन्दुमा रोकिएको छ ।
अघिल्लो कारोबार दिन बुधबार नेप्से १३.९६ अंक, मंगलबार १४.८७ अंक र आइतबार १२.५३ अंकले घटेको थियो ।
बिहीबार नेप्सेमा कुल ७ अर्ब ८ करोड रुपैयाँ बराबरको कारोबार भएको छ । अघिल्लो कारोबार दिन मंगलबार भने नेप्सेमा कुल ८ अर्ब ६१ करोड रुपैयाँ बराबरको कारोबार भएको थियो ।
बिहीबार कारोबारमा आएकामध्ये ८२ कम्पनीको सेयर मूल्य बढ्दा १६४ कम्पनीको घटेको छ । यस्तै, एक कम्पनीको सेयर मूल्य भने स्थिर छ ।
बिहीबार ओम मेगाश्री कम्पनीको सेयर मूल्य ९.९९ प्रतिशतले बढ्दा उपकार लघुवित्त वित्तीय संस्थाको सेयर मूल्य ९.६२ प्रतिशतले बढेको छ । यस्तै, कर्पोरेट विकास बैंकको सेयर मूल्य भने ८.६५ प्रतिशतले घटेको छ ।