काठमाडौं । नेपाल राष्ट्र बैंकको प्रवक्तामा कार्यकारी निर्देशक किरण पण्डित नियुक्त भएका छन् । उनी आज (बुधबार) देखि लागू हुनेगरी प्रवक्ता नियुक्ता भएका हुन् ।
वि.सं. २०६२ सालमा बैंक सेवामा प्रवेश गरेका पण्डितको बैंक सुपरिवेक्षण विभाग, बैंक तथा वित्तीय संस्था नियमन विभाग, वित्तीय समावेशिता तथा ग्राहक संरक्षण महाशाखा लगायतको कार्यानुभव रहेको जनाइएको छ ।
हाल उनी भुक्तानी प्रणाली विभागमा कार्यरत छन् । यसअघि कार्यकारी निर्देशक रामु पौडेल प्रवक्ता थिए ।
