काठमाडौं । नेपाल लाइफ इन्स्योरेन्स कम्पनी लिमिटेडले असार २८ गतेसम्म जारी भएका पोलिसीहरुको मात्र मासिक तथा वार्षिक इन्सेन्टिभ गणना गर्ने भएको छ । कम्पनीले देशभरी रहेका शाखा तथा उपशाखाहरुलाई सर्कुलर जारी गर्दै समयमै चालु आवको सम्पूर्ण कार्य सम्पन्न गर्न भनेको हो ।
कम्पनीले असार ३२ गते कुनै पनि बीमा पोलिसी जारी गर्न नमिल्ने भएकाले सक्दो चाँडो समयमै पोलिसी जारी गर्न निर्देशन दिएको छ । तर, स्वीकत भएर बसेका बीमा प्रस्तावको हकमा भने असार ३२ गतेसम्म बीमालेख जारी गर्न सकिने जानकारी दिएको छ ।
उच्च बीमा रकम र बीमितहरुका मेडिकल रिपोर्ट असार २७ गते, शुक्रबार साझ ५ बजेभित्र प्रधान कार्यालय पठाइ सक्नुपर्ने छ । त्यस्तै, पुनर्बीका लागि शाखा–उपशाखा कार्यालयबाट पठाउनु पर्ने प्रस्ताव पनि असार २७ गतेको दिउँसो १२ बजेभित्र सम्पूर्ण कागजात सहित पठाइ सक्न कम्पनीले निर्देशन दिएको छ ।
