काठमाडौं । नबिल बैंक लिमिटेडले साउन ६ देखि १० गतेसम्म निष्कासन गरेको ऋणपत्र ‘७५ नबिल डिबेन्चर २०८९’ बाँडफाँट गरेको छ ।
बैंकले ३ अर्ब रुपियाँबराबरको प्रतिऋणपत्र १ हजार अंकित दरका ३० लाख कित्ता ऋणपत्र निष्कासन गरेको थियो । जसमा १८ लाख कित्ता व्यक्तिगत तवरबाट, ६० हजार कित्ता सामूहिक लगानी कोषलाई र ११ लाख ४० हजार कित्ता सर्वसाधारणमा बिक्री खुला गरिएको थियो ।
सोही अवधिमा रीतपूर्वक आवेदन दिएकाहरूलाई साउन १५ गते ऋणपत्र बाँडफाँट गरिएको बिक्री प्रबन्धक नेपाल एसबिआई मर्चेण्ट बैंकिङ लिमिटेडले जनाएको छ ।
