काठमाडौं । एनएमबि बैंकले आफ्नो कर्पोरेट सामाजिक उत्तरदायित्व अन्तर्गत नेपाल प्रहरीलाई १६ फिटको सेल्फबेलिंग राफ्ट, लाइफ ज्याकेट र अन्य सम्बन्धित विपद् उद्धार उपकरणहरू हस्तान्तरण गरेको छ ।
उक्त कार्यक्रम काठमाडौं उपत्यका प्रहरी कार्यालय, रानीपोखरी, काठमाडौंमा आज आयोजना गरिएको थियो ।
समारोहमा, एनएमबी बैंकका प्रमुख कार्यकारी अधिकृत गोविन्द घिमिरेले नेपाल प्रहरीका अतिरिक्त महानिरीक्षक (एआईजी) टेकबहादुर तामाङलाई उद्धार उपकरण हस्तान्तरण गरे ।
मनसुनको समयमा बाढी, डुबान र अन्य पानी सम्बन्धी विपद् र आपतकालीन अवस्थाको उच्च सम्भावनालाई ध्यानमा राख्दै, बैंकले यो सहयोगले प्रहरी बलको सञ्चालन क्षमतामा उल्लेखनीय वृद्धि गर्ने बैंकको विश्वास छ ।
बैंकले देशभर २०२ शाखा, १८७ एटीएम र ९ विस्तारित काउन्टरहरू मार्फत सेवा प्रदान गर्दै आएको छ ।
