काठमाडौं । नेपाल बीमा प्राधिकरणको अध्यक्षको जिम्मेवारी चन्द्रकला पौडेलले पाएकी छिन् ।
आज बसेको मन्त्रिपरिषद् बैठकले संघीय मामिला तथा सामान्य प्रशासन मन्त्रालयकी सचिव पौडेललाई उक्त जिम्मेवारी दिने निर्णय गरेको हो ।
पौडेललाई अर्को व्यवस्था नभएसम्मका लागि प्राधिकरणको सञ्चालक समितिको अध्यक्ष पदमा कामकाज गर्नेगरी तोक्ने निर्णय भएको सरकारका प्रवक्ता एवं गृहमन्त्री ओमप्रकाश अर्यालले जानकारी दिए ।
यसअघि प्राधिकरणको अध्यक्षको जिम्मेवारी जनकराज शर्माले सम्हाल्दै आएका थिए ।
