काठमाडौं । कंचनपुर जिल्लास्थित पुनर्बास नगरपालिका–०५ की मिना थापाले आफ्नो श्रीमानको जन्मदिनमा बीमा पोलिसी उपहार दिएकी छिन्।
उनले रिलायबल नेपाल लाइफ इन्स्योरेन्स कम्पनी लिमिटेडको शाखा कार्यालय (आईबीआरडी) बाट १० लाख रुपैयाँको ‘सुलभ जीवन बीमा’ पोलिसी खरीद गरेर श्रीमानलाई उपहारमा दिएकी हुन्।
बार्षिक रूपमा ५२ हजार ६६० रुपैयाँ तिर्ने गरी लिइएको यस बीमा पोलिसीले जीवन सुरक्षासँगै बचतको सुविधा पनि प्रदान गर्ने कम्पनीले जनाएको छ।
उक्त बीमा पोलिसी कम्पनीका आईबीआरडी मार्केटिङ प्रमुख अनिता चन्द र एजेन्सी म्यानेजर राम बहादुर रोकायाले संयुक्त रुपमा जीवन थापा र मिना थापालाई हस्तान्तरण गरेका थिए।
रिलायबल नेपाल लाइफ इन्स्योरेन्स कम्पनी नेपाल सरकारको पूर्ण स्वामित्व भएको राष्ट्रिय वाणिज्य बैंक, ग्लोबल आइएमई बैंक लगायतका प्रमुख प्रवद्र्धक सहितको एक अग्रणी जीवन बीमा कम्पनी हो

काठमाडौं । शेयर बजार आज पनि झिनो अंकले तल झरेको छ । नेप्से तल ओर्लिए पनि कारोबार रकम भने पौन ९ अर्ब बढी रह्यो ।
नेपाल स्टक एक्सचेञ्ज लिमिटेड (नेप्से) का अनुसार आज बजार ७.७५ अंकले घटेको हो । ०.२८ प्रतिशतले बजार घट्दा नेप्से २६९८.२८ अंकमा ओर्लियो ।
समग्रमा बजार घटे पनि बैंकिङ, फाइनान्स, जीवन बमिा, निर्जीवन बीमा र अन्य समूह घटे भने अरु बाँकी समूह हरियाली भए । बैंक वित्तीय संस्थाको तेस्रो त्रैमासको रिपोर्ट केही नकारात्मक देखिए पछि त्यसैको असर शेयर बजारमा पनि परेको आंकलन गरिएको छ ।
आज ३१९ कम्पनीका २ करोड १२ लाख ३ हजार ७ सय ६६ कित्ता शेयर किनबेच हुँदा ८ अर्ब ७७ करोड ५७ लाख २० हजार २ सय ९३.६४ रुपियाँ बराबरको कारोबार भयो ।
नेपाल माइक्रो, क्रेस्ट माइक्रो इन्स्योरेन्स, यूनिभर्सल पावर र ग्रीनलाइफ हाइड्रोका लगानीकर्ताहरुले क्रमशः ९.९९, ९.९९, , ९.८८ र ९.८० प्रतिशतले नााफा कमाए ।
त्यस्तै गुडविल फाइनान्सका लगानीकर्ताहरुले सबैभन्दा बढी ७.७५ प्रतिशतले घाटा व्यहोरे ।
आज ङादी ग्रुप पावरको उच्च कारोबार भयो । उक्त कम्पनीको ५३ करोड ९९ लाख १८ हजार १ सय ७४.९० रुपियाँ बराबरको शेयर किनबेच भएको नेप्सेले जनाएको छ ।
साताको पहिलो दिन हिजो आइतबार १६.२१ अंकले बजार घट्दा ८ अर्ब ४३ करोड ३५ लाख ८९ हजार ७ सय ८५.२९ रुपियाँ बराबरको कारोबार भएको नेप्सेले जनाएको छ ।

काठमाडौं । चालू आवको तेस्रो त्रैमास अर्थात् चैत मसान्तसम्ममा ग्लोबल आइएमई बैंकको नाफामा उल्लेख्य वृद्धि आएको छ ।
समीक्षा अवधिमा बैंकले ४ अर्ब ५३ करोड ४० लाख रुपियाँ खुद नाफा कमाएको छ । यो गत आवको सोही अवधिको तुलनामा ३७.१२ प्रतिशतले बढी हो । गत आवको सोही अवमिा बैंकले ३ अर्ब ३० करोड रुपियाँ खुद नाफा कमाएको थियो ।
तेस्रो त्रैमाससम्ममा बैंकको खुद ब्याज आम्दानी ५.४६ प्रतिशत घटेर १२ अर्ब ३१ करोड ७१ लाख छ भने खुद फी तथा कमिशन आम्दानी १७.३० प्रतिशत बढेर १ अर्ब ३१ करोड १८ लाख रुपियाँ छ । त्यस्तै, बैंकको कुल सञ्चालन आम्दानी ०.६१ प्रतिशत घटेको छ भने सञ्चालन मुनाफा ३४.४१ प्रतिशत बढेको छ ।
नाफासँगै बैंकको प्रतिशेयर आम्दानी पनि बढेको छ । चैत मसान्तसम्म बैंकको यस्तो आम्दानी ३.६६ रुपियाँले बढेर १५.८६ रुपियाँ पुगेको छ। यस अवधिमा बैंकको वितरणयोग्य आम्दानी ३ अर्ब ५४ करोड रुपियाँ र वितरणयोग्य प्रतिशेयर आम्दानी १२.४ रुपियाँ, मूल्य आम्दानी अनुपात १३.७९ गुणा र प्रतिशेयर नेटवर्थ १७३.४७ रुपियाँ रहेको छ।
३८ अर्ब ११ करोड ५८ लाख रुपियाँ चुक्ता पुँजी रहेको बैंकको जगेडा कोषमा ३ अर्ब ५७ करोड ३७ लाख रुपियाँ सञ्चित छ ।

काठमाडौं । चालू आर्थिक वर्षको तेस्रो त्रैमास अर्थात् चैत मसान्तसम्ममा नबिल बैंकको नाफामा ८.२१ प्रतिशतले बढेको छ । नाफासँगै अन्य सूचक पनि सकारात्मक देखिएका छन् ।
समीक्षा अवधिमा बैंकले ५ अर्ब ५ करोड १४ लाख रुपियाँ नाफा कमाएको छ । यो गत आवको सोही अवधिको तुलनामा ८.२१ प्रतिशतले बढी हो । गत आवमा बैंकले ४ अर्ब ६६ करोड ८० लाख नाफा कमाएको थियो ।
त्यस्तै, तेस्रो त्रैमाससम्म खुद ब्याज आम्दानी ३.९५ प्रतिशतले घटेर १२ अर्ब ५ करोड ४४ लाख रुपियाँमा सीमित भएको छ । जुन गत आवको सोही अवधिमा १२ अर्ब ५५ करोड रुपियाँ थियो ।
चैत मसान्तसम्म सञ्चालन नाफा ६ अर्ब ६८ करोड ४२ लाख रुपियाँबाट बढेर ७ अर्ब ६२ करोड २३ लाख रुपियाँ पुगेको छ भने कुल सञ्चालन आम्दानी १५ अर्ब २९ लाख रुपियाँ पुगेको छ । समीक्षा अवधिमा बैंकको वितरणयोग्य मुनाफा २ अर्ब ८७ करोड ४१ लाख रुपियाँ पुगेको छ ।
२७ अर्ब ५ करोड ६९ लाख रुपियाँ चुक्ता पुँजी रहेको बैंकको जगेडा कोषमा ३१ अर्ब ३१ करोड ५५ लाख रुपियाँ सञ्चित रहेको छ ।
चैत मसान्तसम्मको अवधिमा बैंकको प्रतिशेयर आम्दानी २३.२४ रुपियाँबाट बढेर २५.०५ रुपियाँ र प्रतिशेयर नेटवर्थ २२६.३६ रुपियाँ छ । साथै बैंकको खराब कर्जा ४.९६ प्रतिशतबाट घटेर ४.०४ प्रतिशतमा झरेको छ ।

काठमाडौं । चालू आवको तेस्रो त्रैमास अर्थात् चैत मसान्तसम्ममा माछापुच्छ्रे बैंकको नाफा बढेको छ ।
समीक्षा अवधिमा बैंक १ अर्ब १० करोड २६ लाख रुपियाँ नाफा कमाउन सफल भएको छ । यो गत आवको सोही अवधिको तुलनामा २८.८९ प्रतिशतले बढी हो । गत आवमा बैंकले ८५ करोड ५४ लाख रुपियाँ नाफा कमाएको थियो ।
चैत मसान्तसम्म आइपुग्दा बैंकको खुद ब्याज आम्दानी ३ अर्ब ८४ करोडबाट १०.४१ प्रतिशतले बढेर ४ अर्ब २५ करोड पुगेको छ । त्यस्तै, कुल सञ्चालन १३.०६ प्रतिशतले बढेर ५ अर्ब ५४ करोड २८ लाख रुपियाँ कायम भएको छ । साथै सञ्चालन नाफा ५२.७६ प्रतिशतले बढेर २ अर्बभन्दा बढी पुगेको छ ।
११ अर्ब ६२ करोड १३ लाख ५७ हजार रुपियाँ चुक्ता पुँजी रहेको बैंकको जगेडा कोषमा ६ अर्ब ४३ करोड ३० लाख रुपियाँ सञ्चित छ ।
समीक्षा अवधिमा बैंकको प्रतिशेयर आम्दानी ९.८१ बाट बढेर १२.६५ रुपियाँ, प्रतिशेयर नेटवर्थ १५६.२० रुपियाँ र वितरणयोग्य मुनाफा ७ करोड ७ लाख रुपियाँ छ ।