काठमाडौँ । हिमालयन बैंकले आर्थिक वर्ष २०८१, ८२ मा १ अर्ब ५१ करोड नाफा कमाएको छ । बैंकले प्रकाशन गरेको वित्तीय विवरण अनुसार बैंकको खुद नाफा सामान्य वृद्धि भएर सो बराबर पुगेको हो । अघिल्लो वर्ष बैंकले यही अवधिमा १ अर्ब २३ करोड रुपैयाँ नाफा कमाएको थियो । समीक्षा अवधिमा बैंकको यस्तो नाफा २२.१५ प्रतिशत बढेको हो।
बैंकको नाफा बढ्नुमा इम्पेरमेन्ट चार्ज घट्नु मुख्य कारण देखिएको छ । समीक्षा अवधिमा बैंकको इम्पेरमेन्ट चार्ज ५ अर्ब २६ करोड रुपैयाँबाट घटेर १ अर्ब ५३ करोड रुपैयाँमा झरेको छ। एक वर्षको अवधिमा बैंकको खुद ब्याज आम्दानी घटेर १० अर्ब ४५ करोडमा झरेको छ । गत वर्ष यस्तो आम्दानी ११ अर्ब ६१ करोड रहेको थियो । शुल्क तथा कमिसनतर्फको आम्दानीमा भने सामाइन वृद्धि भई १ अर्ब १५ करोड रुपैयाँ पुगेको छ ।
२१ अर्ब ६५ करोड ६६ लाख रुपैयाँ चुक्ता पुँजी रहेको यस बैंकको जगेडा कोषमा १६ अर्ब २५ करोड रुपैयाँ सञ्चित छ। यस अनुसार बैंकको प्रतिशेयर नेटवर्थ १७५.०७ रुपैयाँ बराबर हुन आउँछ । असार मसान्तसम्ममा बैंकले ३ खर्ब ९ अर्ब १५ करोड रुपैयाँ निक्षेप सङ्कलन गरी २ खर्ब ३२ अर्ब ८५ करोड रुपैयाँ कर्जा प्रवाह गरेको छ।
बैंकको नाफा सकारात्मक भए पनि उठ्नुपर्ने ब्याजबापत नियामकीय समायोजनमा छुट्याउनुपर्ने रकम तथा अन्य रिजर्भका कारणले लाभांश बाँड्न नसक्ने अवस्थामा छ । बैंकको वितरणयोग्य मुनाफा ७ अर्ब १० करोड रुपैयाँ ऋणात्मक रहेको छ जुन प्रतिशेयर आम्दानी ३२.७९ रुपैयाँ ऋणात्मक हो ।
असार मसान्तमा बैंकको पुँजीकोष अनुपात ११.६४ प्रतिशत, निष्क्रिय कर्जा अनुपात ७.२८ प्रतिशत, कस्ट अफ फण्ड ४.८४ प्रतिशत, बेसरेट ६.६३ प्रतिशत एवं ब्याजको स्प्रेडदर ३.२९ प्रतिशत रहेको छ ।

काठमाडौं । व्यवसाय विस्तारसँगै आम्दानीमा भएको वृद्धि र सम्भावित कर्जा नोक्सानी व्यवस्था घट्दा माछापुच्छ्रे बैंकको नाफा उल्ल्लेख्य बढेको छ । बैंकले गत आर्थिक वर्ष २०८१, ८२ मा २ अर्ब १ करोड १५ लाख रुपैयाँ नाफा आर्जन गरेको हो जुन अघिल्लो आर्थिक वर्ष २०८०, ८१ को १ अर्ब ४ करोड ५२ लाख भन्दा ९२.४५ प्रतिशतले बढेको हो ।
बैंकको गत आर्थिक वर्षमा निक्षेप १६.०९ प्रतिशतले बढेर १ खर्ब १४ अर्ब १८ करोड र कर्जा ११.७४ प्रतिशतले बढेर १ खर्ब ४१ अर्ब ६४ करोड पुगेको छ । बैंकको व्यवसाय बढेसँगै खुद ब्याज आम्दानी १५.४१ प्रतिशतले बढेर ५ अर्ब ७५ करोड ६७ लाख पुगेको छ । त्यस्तै खुद फि तथा कमिसन आम्दानी १८.१६ प्रतिशतले बढेर १ अर्ब २८ करोड ५२३ लाख पुगेको छ ।
यता कर्जा नोक्सानी व्यवस्थाको लागि छुट्याएको रकम अघिल्लो वर्षको भन्दा कम अर्थात् ३५ करोड ३८ लाख मात्रै हुँदा बैंकको सञ्चालन आम्दानीसँगै नाफा उल्लेख्य बढेको हो । अघिल्लो आवमा बैंकले कर्जा नोक्सानीको लागि १ अर्ब ३९ करोड ४२ लाख रुपैयाँ छुट्याएको थियो । आम्दानी बढेको र कर्जा नोक्सानी व्यवस्थालाई छुट्याएको रकम घटेसँगै बैंकको सञ्चालन नाफासँगै नाफा पनि बढेको हो । बैंकको सञ्चालन नाफा अघिल्लो वर्षको तुलनामा ९९.९१ प्रतिशतले बढेर ३ अर्ब ३३ करोड २ लाख रुपैयाँ पुगेको छ । गत आर्थिक वर्षमा बैंकको गैर सञ्चालन खर्च ४७ करोड ८३ लाख छ । यसले गर्दा सञ्चालन नाफाको तुलनामा बैंकको खुद नाफा बढेको छैन ।
११ अर्ब ६२ करोड १४ लाख चुक्ता पुँजी रहेको बैंकको सञ्चित नाफा १ अर्ब ७ करोड ६९ लाख रुपैयाँ छ । यस्तै जगेडा कोषमा ६ अर्ब ३१ करोड रुपैयाँ पुगेको छ । चुक्ता पूँजी नबढेको बैंकको नाफा बढेसँगै प्रतिसेयर आम्दानी ८ रुपैयाँ ९९ पैसाबाट बढेर १७ रुपैयाँ ३० पैसा पुगेको छ । त्यस्तै निष्कृय कर्जा सामान्य घटेर ३.८६ प्रतिशतबाट ३.८३ प्रतिशतमा झरेको छ । खुद निष्कृय कर्जा १.१९ प्रतिशत छ ।
बैंकको बक्यौता ब्याज २ अर्ब २ करोड र कर्जा नोक्सानीको लागि गरेको कुल प्रोभिजन ४ अर्ब ४६ करोड पुगेको छ । नाफा बढेर सञ्चित नाफा पनि बढ्दा बैंकको प्राथमिक पुँजीकोष अनुपात ९.४१ प्रतिशत पुगेको छ । बैंकको लगानीमा प्रतिफल ११.१३ प्रतिशत पुगेको छ । आधार दर ६.३० प्रतिशतमा झरेको छ भने मुल्य आम्दानी अनुपात १४.९९ प्रतिशत र प्रतिसेयर नेटवर्थ १६३ रुपैयाँ ८ पैसा पुगेको छ । बैंकको लाभांश क्षमता ९.२३ प्रतिशत छ ।
गत आर्थिक वर्षमा १ अर्ब ४४ करोड वितरणयोग्य नाफा आर्जन गरेपनि गत आवको सञ्चित घाटाले वितरणयोग्य नाफा १ अर्ब ७ करोड मात्रै छ । बैंकले गैर बैंकिङ सम्पत्ती बिक्री गर्दा रेगुलेटरी रिर्जभबाट ४६ करोड १४ लाख ब्याक गरेको छ । त्यस्तै उठ्न नसकेको बक्यौता ब्याज उठाएर २ अर्ब ९१ करोड नियाकमीय जगेडा कोषबाट सञ्चित नाफामा ट्रान्सफर भएको छ ।

काठमाडौं । एनएमबि बैंक लिमिटेडको नाफा गत आर्थिक वर्षमा ४६.२२ प्रतिशतले बढेको देखिएको छ ।
अघिल्लो आव २०८०, ०८१ मा २ अर्ब २४ करोड रुपियाँ नाफा कमाएको बैंकले गत आव २०८१, ०८२ मा ३ अर्ब २८ करोड रुपियाँ नाफा कमाएको छ ।
समीक्षा अवधिमा बैंकको खुद ब्याज आम्दानी ११.१४ प्रतिशतले बढेर ८ अर्ब २ करोड ८ लाख रुपियाँ र खुद फी तथा कमिशन आम्दानी २१.६२ प्रतिशतले बढेर २ अर्ब १८ करोड १७ लाख रुपियाँ पुगेको छ ।
त्यस्तै, बैंकको कुल सञ्चालन आम्दानी १४.३४ प्रतिशत र सञ्चालन मुनाफा ६४.४६ प्रतिशत बढेको छ ।
नाफासँगै बैंकको प्रतिशेयर आम्दानी पनि बढेको छ । यस अवधिमा बैंकको प्रतिशेयर आम्दानी ५.६६ रुपियाँले बढेर १७.९०रुपियाँ पुगेको छ भने प्रतिशेयर नेटवर्थ १८०.६८ रुपियाँ र मूल्य आम्दानी अनुपात १५.१० गुणा रहेको छ ।
१८ अर्ब ३३ करोड ६७ लाख रुपियाँ चुक्ता पुँजी रहेको बैंकको जगेडा कोषमा १४ अर्ब ३१ करोड रुपियाँ सञ्चित छ । गत आवको चौथो त्रैमाससम्म बैंकको वितरणयोग्य मुनाफा १ अर्ब ९० करोड रुपियाँ रहेको छ भने वितरणयोग्य प्रतिशेयर आम्दानी १०.४१ रुपियाँ रहेको छ।

काठमाडौं । नबिल बैंकले गत आर्थिक वर्षमा ७ अर्ब १२ करोड ७५ लाख रुपियाँ नाफा निकालेको छ । यो अघिल्लो आवको तुलनामा १५ प्रतिशतले बढी हो । अघिल्लो आवमा बैंकले ६ अर्ब १९ करोड ७१ लाख रुपियाँ नाफा कमाएको थियो ।
गत आवको चौथो त्रैमाससम्म बैंकको खुद ब्याज आम्दानी सामान्य बढेर १६ अर्ब ३२ करोड ७२ लाख, खुद शुल्क तथा कमिसन आम्दानी ५.३८ प्रतिशत बढेर ३ अर्ब ४१ करोड ६१ लाख, कुल सञ्चालन आम्दानी ३.४० प्रतिशतले बढेर २१ अर्ब ५१ लाख र सञ्चालन नाफा २५.४४ प्रतिशत बढेर १० अर्ब ८४ करोड ७८ लाख रुपियाँ पुगेको छ ।
यस अवधिमा बैंकको नाफासँगै प्रतिशेयर आम्दानी पनि बढेको छ । अघिल्लो आवमा ३.४४ रुपियाँ रहेको यस्तो आम्दानी गत आवमा बढेर २६.३४ रुपियाँ पुगेको छ । त्यस्तै, बैंकको प्रतिशेयर नेटवर्थ २३५.५८ रुपियाँ र मूल्य आम्दानी अनुपात २०.५५ गुणा रहेको छ ।
अघिल्लो आवमा ४.४५ प्रतिशत रहेको खराब कर्जा गत आवमा ४.२७ प्रतिशतमा झरेको छ ।
त्यस्तै, गत आवमा बैंकको वितरणयोग्य नाफा ५४.८६ प्रतिशतले बढेर अर्ब ७७ करोड रुपियाँ रहेको छ । यसका आधारमा बैंकको लाभांश वितरण क्षमता १७.६४ प्रतिशत रहेको देखिन्छ । अघिल्लो आवमा यस्तो क्षमता लाभांश क्षमता ११.३९ प्रतिशत थियो ।
२७ अर्ब ५ करोड ६९ लाख चुक्ता पुँजी रहेको बैंकको जगेडा कोषमा करिब ३१ अर्ब ९१ करोड रुपियाँ सञ्चित छ ।